Partiya daxilində sevinməyə qadağa

Bakı:

25 °C

59 %

1 m/s

Əlaqə

AZ RU EN

Ana səhifə / Xəbər lenti / Partiya daxilində sevinməyə qadağa

Partiya daxilində sevinməyə qadağa

05.04.2024 [09:50]

Redikül düşərgə daxilindəki acınacaqlı vəziyyət günü-gündən daha da tündləşir. Heç bir sosial dayağı olmayan partiyalardakı diktatura idarəçiliyi bütün üzvləri cana gətirib. Xüsusilə, AXCP daxilində hökm sürən dözülməz mühit, despot rejimini xatırladan idarəetmə bütün partiya üzvlərini narahat etməkdədir. Vaxtilə bu partiyada təmsil olunan şəxslərin ard-arda istefa verərək bu qurumdan ayrılmasının ən böyük səbəblərindən biri də məhz sədr Əli Kərimlinin yaratdığı dözülməz mühitdir.

Qeyd olunduğu kimi, Əli Kərimlinin partiyada yaratdığı diktaturaya əsaslanan idarəetmə üsulu partiya üzvləri tərəfindən açıq şəkildə ifşa edilir. Məhz bu kimi məsələlərə görə, Əli Kərimlinin ətrafında olan şəxslər ard-arda istefa verərək ondan “canlarını” qurtarmağa çalışırlar. Ə.Kərimlinin partiya daxilində yaratdığı avtoritarizmin isə səbəbi bəllidir - o, xarici antimilli mərkəzlərdən aldığı ianələrə tək sahib olmaq istəyir. Eyni zamanda, partiya üzvlərindən dövlətə qarşı yalan, şər-böhtan kampaniyası aparmaq tələb edilir. Buna riayət etməyənlər isə təzyiqlə üzləşir və nəhayətdə partiyadan uzaqlaşdırılırlar. Faktlar ortadadır.

Məsələn, ötən ilin sonunda bəzi üzvlər partiyadakı ab-havaya, saxtakarlığa, Əli Kərimlinin partiya daxilindəki repressiv siyasətinə etiraz olaraq istefa verdiklərini bəyan etmişdilər. Bəlli olmuşdu ki, Əli Kərimli və ətğrafındakı məhdud çevrə öz xəyanətlərinə gəncləri də alət etmək istəyiblər və buna etiraz olaraq həmin gənclər AXCP-dən çıxdıqlarını bəyan ediblər. Maraqlıdır ki, parityadan istefav verən bütün isnanlar eyni problemləri önə çəkir - bu dəfəki problem isə Azərbaycan dövlətinin ötən ilin sentyabrında keçirdiyi lokal antiterror tədbirlərinin bəyənilməsi olmuşdu. Suverenliyimizin bərpa olunmasına seçinən insanlar sosial şəbəkələrdə AXCP-nin Əli Kərimliyə “ən yaxın” çevrəsi tərəfindən açıq təhqirlərə məruz qalmışdı, nəticədə isə istefa verməyə zorlanmışdılar.

Bəli, AXCP-də fəaliyyət göstərən azsaylı üzvlərin əksəriyyəti partiya sədrinin əməllərindən cana doyduqlarını bildirirlər. İndiyədək bu partiyanın gənclər təşkilatına yığılmış beş-on gənc Ə.Kərimlinin, eləcə də, ona yaxın olan qrupun əmrlərini sözsüz yerinə yetiriblər. Ə.Kərimli xarici ermənipərəst təşkilatlardan alınan sifarişlərin əsas “qara işləri”ni məhz həmin gənclərə gördürüb. Hətta Ə.Kərimlinin gənclər üzərindən çirkin oyunlar oynadığının, öz mənafeyi xatirinə rəhbərlik etdiyi partiyanın üzvü olan gəncləri belə qanunsuz əməllərə yönləndirdiyi kimi faktlar mövcuddur. Gənclər isə artıq Ə.Kərimli kimilərinin əmrlərini gözüyumulu yerinə yetirmək istəmirlər. Onlar verilən “göstəriş”i təftiş edir, hətta müzakirəyə çıxarırlar. Bu isə AXCP sədrinə naxoş gəlir, nəticədə həmin gənclər hədəfə alınırlar. Yəni bu partiyada kiminsə özünün azad sözü, fikri ola bilməz. Bu isə gənclərdə ikrah hissi oyadır və onlar aldadıldıqlarının fərqinə varırlar. Demokratiya pərdəsinə bürünərək sədri olduğu partiya daxilində diktatura quran Əli Kərimli “AXCP biznesini” əlində saxlamaq üçün aldatdığı bu kimi gənclərdən istifadə edir. Maraqlıdır ki, adıçəkilən gənclərin istefa vermələri barədə postlarının altında küçə söyüşləri belə yer almaqdadır - bu şəxslər guya “Ə.Kərimlini müdafiə etdiklərini” düşünürlər. Amma başa düşmürlər ki, bununla Ə.Kərimlinin əsl iç üzünü cəmiyyətə göstərirlər. Adını partiya qoymuş bu qruplaşmanın əsl fəaliyyətinin xəyanətdən və satqınlıqdan ibarət olması, hədəfinin isə Azərbaycana qarşı düşmənçlik və erməni sevgisi təşkil etməsi artıq sirr deyil.

MƏNSUR

Paylaş:

Baxılıb: 586 dəfə