Avropa İttifaqı Ukraynadan vergi dəyişiklikləri tələb edir

Bakı:

14 °C

82 %

6 m/s

Əlaqə

AZ RU EN

Ana səhifə / Analitik / Avropa İttifaqı Ukraynadan vergi dəyişiklikləri tələb edir

Avropa İttifaqı Ukraynadan vergi dəyişiklikləri tələb edir

30.04.2026 [09:59]

Avropa İttifaqı (Aİ) Ukraynadan vergi dəyişiklikləri aparılmasını tələb edir. Əks halda Kiyev üçün 90 milyard avroluq maliyyələşdirməni təmin etmək üçün daha sərt şərtlər tətbiq olunacaq.

AZƏRTAC xəbər verir ki, bu barədə “Bloomberg” agentliyi mənbələrə istinadla məlumat yayıb. Agentliyin məlumatına görə, Ukrayna güzəştli sistem əsasında fəaliyyət göstərən və illik gəliri 77 min 400 avrodan çox olan şirkətlər üçün əlavə dəyər vergisini (ƏDV) 20 faizədək artırmalıdır. Belə bir islahat Ukrayna cəmiyyətində gərginliyə səbəb ola bilər.

Adı çəkilməyən bir məmur qeyd edib ki, Ukrayna Beynəlxalq Valyuta Fondu tərəfindən də oxşar təzyiqlə üzləşir. Bu isə Kiyevə ayrıca kredit proqramı çərçivəsində 8 milyard dollarlıq vəsait ayrılması ilə bağlıdır.

Ukraynanın əsas donorları hesab edirlər ki, müharibə dövründə biznes üçün vergi güzəştləri büdcəni zəiflədir, genişmiqyaslı kölgə iqtisadiyyatının davam etməsinə kömək göstərir.

Xatırladaq ki, Macarıstan və Slovakiya vetonu götürdükdən sonra aprelin 22-də Aİ Ukrayna üçün 90 milyard avroluq maliyyələşdirməni və Rusiyaya qarşı 20-ci sanksiyalar paketini təsdiqləyib.

Serbiyada seçkiyə aid 4 qanuna dəyişikliklər ediləcək

Serbiyada seçki şəraitinin yaxşılaşdırılması ilə bağlı ATƏT-in Demokratik Təsisatlar və İnsan Haqları Bürosunun (DTİHB) tövsiyələrinə uyğun olaraq dörd qanuna dəyişiklik və əlavələrin may ayının sonuna qədər qəbul ediləcəyi gözlənilir.”Report”un Balkan bürosu xəbər verir ki, bunu Serbiya Milli Məclisinin sədri Ana Brnabiç bildirib.

O həmçinin qeyd edib ki, yaxın günlərdə korrupsiyanın qarşısının alınması haqqında qanuna dəyişikliklərin də rəy üçün DTİHB-ə göndərilməsi gözlənilir.

A.Brnabiç vurğulayıb ki, 1 May bayramı tətilində Belqrad, Novi Sad, Niş və Kragujevats şəhərlərində yerli seçkilər, parlament üzvlərinin seçilməsi və Konstitusiya Məhkəməsi haqqında qanunlara dəyişikliklər, eləcə də prezident seçkiləri haqqında qanunun bir maddəsinə dəyişikliklərlə bağlı ictimai müzakirələr keçiriləcək.

Onun sözlərinə görə, bundan sonra həmin qanunlar parlamentin iclasında müzakirəyə çıxarılmağa hazır olacaq.

“Martın 13-dən etibarən siyasi fəaliyyətlərin maliyyələşdirilməsi haqqında qanuna təklif olunan dəyişikliklərə DTİHB-dən cavab gözləyirik. Bu da vacib qanunlardan biridir və seçki kampaniyası çərçivəsində xərclərə limit qoyur”.

Sədr diqqətə çatdırıb ki, 2019-cu ildən etibarən DTİHB tövsiyələrinin icrası üzərində intensiv iş aparılır və seçki şəraiti davamlı şəkildə yaxşılaşdırılır.

Moskvada 9 May paradı hərbi texnikasız keçiriləcək

İkinci Dünya müharibəsində qələbənin 81-ci ildönümü münasibətilə mayın 9-da Moskvanın Qırmızı meydanında hərbi parad keçiriləcək.

AZƏRTAC Rusiya Müdafiə Nazirliyinə istinadla xəbər verir ki, Rusiya ordusunun bütün qoşun növlərinin hərbi akademiyalarının şəxsi heyəti cərgə ilə Qırmızı meydandan keçəcək. Lakin Suvorov və Naximov hərbi məktəblərinin tələbələri, kadet korpusları və hərbi texnika kolonnaları mövcud əməliyyat şəraitinə görə bu il paradda iştirak etməyəcəklər.

Nazirlik qeyd edib ki, paradın canlı yayımında Strateji Raket Qüvvələrinin komanda məntəqələri, Aerokosmik Qüvvələr və dəniz gəmiləri də daxil olmaqla xüsusi əməliyyat zonasında silahlı qüvvələrin müxtəlif qoşun növlərinin fəaliyyəti nümayiş olunacaq. Paradın aviasiya hissəsi pilotaj qrupları tərəfindən yerinə yetiriləcək və Moskva səmasını Rusiya bayrağının rənglərinə boyayan “Su-25” hücum təyyarələrinin uçuşları ilə başa çatacaq.

Paylaş:

Baxılıb: 137 dəfə