Moskvadan Kiyevə - Paris sülh yarada biləcəkmi?
08.02.2022 [10:56]
Fransa Avropanın nüfuzunu geri qaytarmağa çalışır
P.SADAYOĞLU
Fransa prezidenti Emmanuel Makronun Rusiya səfəri bir çox məqamları ilə yaddaqalan sayıla bilər. Belə ki, səfər çərçivəsində baş tutan Rusiya-Fransa sammiti ilə yanaşı, Ukrayna böhranı da müzakirə olunan məsələlər sırasında yer alır. Rusiya Prezidentinin mətbuat katibi Dmitri Peskovun sözlərinə görə, əsas mövzu Rusiyanın təhlükəsizlik məsələsidir. Kremlin sözçüsü liderlərin Rusiya tərəfinin çox vacib hesab etdiyi ikitərəfli münasibətlərlə bağlı fikir söyləyəcəklərini deyib. Fransa Prezidenti Emmanuel Makron Moskva görüşündən sonra Kiyevə gedəcək. Moskva görüşündən əvvəl isə Amerika Birləşmiş Ştatları Prezidenti Co Baydenlə Makron arasında telefon danışığı olub. Liderlər Ukrayna ətrafındakı vəziyyəti müzakirə ediblər. Bayden və Makron Ukraynanın suverenliyi və ərazi bütövlüyünü dəstəklədiklərini bir daha təsdiqləyiblər. Onlar Ukrayna da daxil olmaqla müttəfiqləri və tərəfdaşları ilə əlaqə saxlamaq və məsləhətləşmələri davam etdirmək barədə razılığa gəliblər.
Siyasi ekspertlər Aİ-yə sədrlik edən Fransanın yenidən Ukrayna probleminin həlli ilə bağlı prosesdə yer almasını təqdirəlayiq saymaqla yanaşı, Avropanın öz nüfuzunu geri qaytarmaq uğrunda mübarizəsi kimi də xarakterizə edirlər. Makronun irəli sürdüyü təkliflər iki tərəfi də razı salarsa, bu, siyasi münasibətlərdə yeni mərhələyə yol aça bilər.
Məsələ ilə bağlı fikirlərini bölüşən Milli Məclisin Avronest Parlament Assambleyasındakı nümayəndə heyətinin üzvü Müşfiq Cəfərov Fransa prezidentinin Rusiyaya səfərinin Ukrayna probleminin həlli ilə bağlı əhəmiyyətli olduğunu deyib. Millət vəkilinin fikrincə, Avropa İttifaqının fəaliyyətdə olan sədri kimi Fransa prosesdə aktiv rol almağa çalışır. Digər tərəfdən, son dövrlər regionda silahlanmanın artması ilə bağlı xəbərlər sülhyaratma missiyasının vacibliyini daha da aktuallaşdırır: “Bəlli olduğu kimi, ABŞ və müttəfiqləri Şərqi Avropadakı hərbi kontingentini və silahlarını təkmilləşdirməklə məşğuldur. Rusiya isə Belarusla birgə hərbi təlimlər keçirərək qarşıdurmadan çəkinmədiyini göstərir. Yaranan çətin situasiya hərbi toqquşma ehtimalını artırır. Bu cür genişmiqyaslı hərbi toqquşma isə Avropa üçün olduqca böyük fəlakətlərə yol aça bilər. Qarşıdakı dövrdə hərbi ritorikadan qaynaqlanan təzyiqi aşağı salmaq üçün bu tipli dialoqlar vacibdir. Emmanuel Makron səfərdən öncə Moskvaya yeni ideyalarla gələcəyini bildirmişdi. Təbii ki, danışıqların gedişi gizli saxlanılacaq. Amma bu yeni ideyalar danışıqların intensivləşməsinə kömək edə bilər. Hər halda, Avropa İttifaqının aktiv şəkildə prosesdə yer alması müsbət məqamdır və dialoq cəhdlərinin davam etdiyini, şanslarının tükənmədiyini göstərir”.
Millət vəkili bildirib ki, Emmanuel Makronun Moskva səfərinin bir səbəbi də Aİ-ABŞ münasibətləri ilə bağlı irəli sürülən neqativ iddialara cavab ola bilər. Belə ki, Avropa mətbuatı “köhnə qitə”nin ABŞ-ın əlində oyuncağa çevrildiyini yazır. “Bu baxımdan, Makronun Moskva səfəri həm də Avropanın prosesdəki siyasi rolunu, çəkisini təsdiqləməyə hesablanıb. Nəzərə alsaq ki, Böyük Britaniya bu prosesdə birmənalı şəkildə ABŞ-ı dəstəkləyir, Almaniya isə hələ də susqunluğunu pozmur. Fransa bundan istifadə edərək Avropanın liderinə çevrilə bilər və bütün iddiaları təkzib etmiş olar. Fikrimcə, regionda sülhə nail olmaq üçün bütün güclər səfərbər edilməlidir. Çünki baş verəcəklərdən ən çox ziyan çəkəcək elə Avropa olacaq. Müharibənin özü ilə həm iqtisadi, həm də siyasi böhran gətirəcəyini unutmaq olmaz. İndiki qlobal pandemiya dövründə milyonlarla insanın böyük problemlərlə üzləşməsi, hətta qaçqın probleminin meydana çıxması ehtimalının yaranması böyük təhdiddir. Bunun qarşısını almaq üçün bütün ölkələr, təşkilatlar öz güclərini səfərbər etməlidir”, - deyən M.Cəfərov əlavə edib ki, Emmanuel Makronun Moskvadan sonra Kiyevə səfəri Rusiya ilə Ukrayna arasında kompromis yollarını tapmaq üçün növbəti mühüm şansdır.
Xəbər lenti
Hamısına bax
Dünya
16 Aprel 23:12
Dünya
16 Aprel 22:43
Dünya
16 Aprel 22:16
Elm
16 Aprel 21:59
Dünya
16 Aprel 21:20
İqtisadiyyat
16 Aprel 21:09
Dünya
16 Aprel 20:45
Dünya
16 Aprel 20:33
Sosial
16 Aprel 20:18
Dünya
16 Aprel 19:51
Dünya
16 Aprel 19:31
Dünya
16 Aprel 19:27
Gündəm
16 Aprel 18:59
Dünya
16 Aprel 18:23
YAP xəbərləri
16 Aprel 17:55
YAP xəbərləri
16 Aprel 17:20
Dünya
16 Aprel 17:19
Sosial
16 Aprel 17:16
Hadisə
16 Aprel 16:28
Dünya
16 Aprel 16:09
Sosial
16 Aprel 15:52
Siyasət
16 Aprel 15:50
Dünya
16 Aprel 15:32
Siyasət
16 Aprel 15:22
Sosial
16 Aprel 15:20
Siyasət
16 Aprel 15:10
Gündəm
16 Aprel 14:51
Sosial
16 Aprel 14:41
Sosial
16 Aprel 14:15
Siyasət
16 Aprel 13:53
Sosial
16 Aprel 13:34
Gündəm
16 Aprel 12:51
Sosial
16 Aprel 12:42
İqtisadiyyat
16 Aprel 12:42
İqtisadiyyat
16 Aprel 12:41
Gündəm
16 Aprel 12:27
Siyasət
16 Aprel 12:15
İqtisadiyyat
16 Aprel 11:53
İqtisadiyyat
16 Aprel 11:30
Gündəm
16 Aprel 11:12
Siyasət
16 Aprel 10:49
İqtisadiyyat
16 Aprel 10:35
MEDİA
16 Aprel 10:11
Analitik
16 Aprel 09:58
Gündəm
16 Aprel 09:31
Gündəm
16 Aprel 09:15
Sosial
16 Aprel 08:50
Elm
16 Aprel 08:39
Dünya
15 Aprel 23:25
Dünya
15 Aprel 23:10
Dünya
15 Aprel 22:41
Dünya
15 Aprel 22:19
YAP xəbərləri
15 Aprel 22:18
Dünya
15 Aprel 21:54
Sosial
15 Aprel 21:28
YAP xəbərləri
15 Aprel 21:23
YAP xəbərləri
15 Aprel 21:19
İdman
15 Aprel 20:45
Elanlar
15 Aprel 20:39
Siyasət
15 Aprel 20:26
Dünya
15 Aprel 20:17
Dünya
15 Aprel 19:50
Dünya
15 Aprel 19:22
YAP xəbərləri
15 Aprel 19:17
YAP xəbərləri
15 Aprel 18:58
İqtisadiyyat
15 Aprel 18:53
Dünya
15 Aprel 18:44
Elm
15 Aprel 18:25
Siyasət
15 Aprel 17:44
Dünya
15 Aprel 17:34
