Azərbaycanın son iyirmi illik inkişaf yolu hər mərhələdə yeni bir zirvəni fəth edir

Bakı:

3 °C

70 %

8 m/s

Əlaqə

AZ RU EN

Ana səhifə / Arxiv / Azərbaycanın son iyirmi illik inkişaf yolu hər mərhələdə yeni bir zirvəni fəth edir

Azərbaycanın son iyirmi illik inkişaf yolu hər mərhələdə yeni bir zirvəni fəth edir

16.01.2026 [13:27]

Yanvarın 12-də cənab Prezident İlham Əliyevin sədrliyi ilə keçirilən müşavirə paytaxtın su təchizatı tarixində növbəti strateji qələbənin əsasını qoydu. 2026-2035-ci illəri əhatə edən Dövlət Proqramı sadəcə bir infrastruktur layihəsi deyil, dövlət başçısının Azərbaycan xalqının rifahı və milli təhlükəsizliyi naminə yürütdüyü uzaqgörən siyasətin təzahürüdür.

Cənab Prezidentin rəhbərliyi ilə Azərbaycan enerji və nəqliyyat sahələrində necə inqilabi sıçrayışlar edibsə, indi eyni qətiyyət su təsərrüfatında nümayiş etdirilir. Ölkə rəhbərinin vurğuladığı kimi, vaxtilə böyük siyasi iradə hesabına reallaşdırılan "Oğuz-Qəbələ-Bakı" su kəməri, "Taxtakörpü" (270 mln. m³) və "Şəmkirçay" (164 mln. m³) su anbarları bu gün Bakının əsas həyat damarlarıdır. Əgər cənab Prezidentin vaxtında və strateji müdaxiləsi olmasaydı, paytaxt bu gün su qıtlığı kimi ağır bir böhranla üz-üzə qalardı. Lakin cənab İlham Əliyevin uzaqgörən siyasəti bugünkü uğurlarla kifayətlənməyib, 50 il sonranın mənzərəsini görərək qabaqlayıcı addımlar atmağı hədəflədiyindən bu gün o problem də yaşanmır.

Müşavirədə qeyd edildi ki, hazırda ölkəmizdə fasiləsiz su təminatı 70 faiz təşkil edirsə, dövlət başçısının qarşıya qoyduğu hədəf bu rəqəmi 95 faizə çatdırmaqdır. Kanalizasiya xidmətlərinin əhatə dairəsinin 50 faizdən 95 faizə qaldırılması isə müasir dövrün ən yüksək ekoloji standartlarına keçiddir. Proqram çərçivəsində 550 kilometr magistral su kəməri, 8100 kilometr su şəbəkəsi və 6200 kilometr tullantı su şəbəkəsinin inşası və bərpası nəzərdə tutulur.

Proqramın ən innovativ tərəfi Xəzər dənizinin suyunun duzsuzlaşdırılması zavodunun inşasıdır. Səudiyyə Ərəbistanının "ACWA Power" şirkəti tərəfindən 407 milyon ABŞ dolları birbaşa xarici investisiya hesabına qurulacaq bu sistem Bakı üçün altıncı və ən etibarlı su mənbəyi olacaq. Günlük 300 min kubmetr içməli su istehsal edəcək bu müəssisə paytaxtın su ehtiyatlarını iqlim dəyişikliyindən və çaylardakı sululuq səviyyəsindən asılı olmayacaq şəkildə sığortalayacaq. Həmçinin, paytaxtın 30 əsas küçəsində yeni yağış suyu kollektorlarının qurulması subasma problemini tarixin arxivinə göndərir.

Cənab Prezidentin siyasətinin mərkəzində həm də ekoloji saflıq dayanır. İşğaldan azad edilmiş torpaqlarımızdakı su ehtiyatlarının, xüsusən "Sərsəng", "Həkəriçay" (90 mln. m³) və "Bərgüşadçay" (67 mln. m³) layihələrinin vahid şəbəkəyə birləşdirilməsi Zəfərimizin yaratdığı yeni reallığın möhtəşəm təzahürüdür. Hövsan və digər sutəmizləyici qurğuların modernləşdirilməsi ilə dənizə axıdılan suların 100 faiz təmizlənməsi hədəfi Azərbaycanın "yaşıl enerji" kursuna tam uyğundur.

Cənab Prezidentin bu sahədəki fəaliyyəti təkcə tikinti işləri ilə məhdudlaşmır; burada yüksək idarəetmə mədəniyyəti, şəffaflıq və milli vəsaitə qənaət prinsipi əsas götürülür. Su itkilərinin kəskin azaldılması və 100 faiz sayğaclaşma ilə hər damla suya nəzarət edilməsi dövlət vəsaitinə olan yüksək məsuliyyətin bariz nümunəsidir.

Cənab İlham Əliyevin rəhbərliyi ilə həyata keçirilən bu misilsiz layihələr Azərbaycanın qüdrətini, xalqa olan sonsuz sevgini və dövlətimizin parlaq gələcəyinə olan böyük inamı təsdiqləyir. Azərbaycan 2035-ci ilə qədər dünyada su təminatı və ekoloji infrastruktur baxımından nümunəvi, lider bir ölkəyə çevriləcək.

Zamir Güvəndiyev,

YAP Şəmkir rayon təşkilatının sədr müavini

Paylaş:

Baxılıb: 185 dəfə