Azərbaycan–Çexiya münasibətlərində yeni mərhələ

Bakı:

11 °C

71 %

7 m/s

Əlaqə

AZ RU EN

Ana səhifə / Arxiv / Azərbaycan–Çexiya münasibətlərində yeni mərhələ

Azərbaycan–Çexiya münasibətlərində yeni mərhələ

29.04.2026 [12:37]

2026-cı il aprelin 27-də Prezident İlham Əliyevin dəvəti ilə Çex Respublikasının Baş naziri Andrey Babişin Azərbaycana səfəri iki ölkə arasında münasibətlərin inkişafında mühüm mərhələ kimi qiymətləndirilir. Səfər çərçivəsində keçirilən yüksək səviyyəli görüşlər, imzalanan sənədlər və xüsusilə dövlət başçısının mətbuata verdiyi bəyanat Azərbaycan - Çexiya əməkdaşlığının perspektivlərini bir daha aydın şəkildə ortaya qoydu.

Azərbaycan ilə Çexiya arasında diplomatik münasibətlər qarşılıqlı hörmət və tərəfdaşlıq prinsipləri üzərində qurulub. Son illərdə bu əlaqələr siyasi dialoq, iqtisadi əməkdaşlıq və enerji sahəsində tərəfdaşlıq baxımından daha da dərinləşib. Çexiya Azərbaycanın Avropadakı mühüm tərəfdaşlarından biri kimi çıxış edir, xüsusilə enerji təhlükəsizliyi və sənaye sahəsində əməkdaşlıq diqqət çəkir.

Çex Respublikasının Baş naziri Andrey Babişin Azərbaycana səfəri ikitərəfli əlaqələrin yeni mərhələyə qədəm qoyduğunu göstərir. Görüşlər zamanı ticarət dövriyyəsinin artırılması, investisiya imkanlarının genişləndirilməsi və nəqliyyat-logistika sahəsində əməkdaşlıq məsələləri müzakirə olundu. Bu səfər həm də Avropa ilə Azərbaycan arasında körpü rolunu oynayan münasibətlərin möhkəmləndirilməsi baxımından xüsusi əhəmiyyət daşıyır.

Prezident İlham Əliyev mətbuata bəyanatında vurğuladı ki, Azərbaycan və Çexiya arasında əlaqələr dinamik şəkildə inkişaf edir və qarşılıqlı maraqlara əsaslanır. Dövlət başçısı enerji əməkdaşlığının xüsusi rolunu qeyd edərək Azərbaycanın Avropanın enerji təhlükəsizliyinə töhfə verməyə davam etdiyini bildirdi. Eyni zamanda, qeyri-neft sektorunda əməkdaşlığın genişləndirilməsi və birgə layihələrin həyata keçirilməsi üçün böyük potensialın mövcud olduğu diqqətə çatdırıldı.

Prezident İlham Əliyev həmçinin siyasi dialoqun yüksək səviyyədə olduğunu və beynəlxalq təşkilatlar çərçivəsində qarşılıqlı dəstəyin davam etdiyini qeyd etdi. Bu, iki ölkə arasında etibarlı tərəfdaşlıq münasibətlərinin formalaşdığını bir daha təsdiqləyir.

Ümumilikdə, Baş nazir Andrey Babişin Azərbaycana səfəri və Prezident İlham Əliyevin mətbuata verdiyi bəyanat Azərbaycan–Çexiya münasibətlərinin strateji əhəmiyyətini bir daha nümayiş etdirdi. Bu əməkdaşlıq yalnız ikitərəfli deyil, həm də regional və beynəlxalq səviyyədə mühüm təsir gücünə malikdir. Gələcəkdə bu münasibətlərin daha da genişlənəcəyi və yeni layihələrlə zənginləşəcəyi gözlənilir.

Sahib Şükürov

YAP Göyçay rayon təşkilatının sədri

Paylaş:

Baxılıb: 42 dəfə