Bakıda “COMMONIST” müasir incəsənət sərgisi açılıb

Bakı:

27 °C

57 %

4 m/s

Əlaqə

AZ RU EN

Ana səhifə / Daxili siyasət / Bakıda “COMMONIST” müasir incəsənət sərgisi açılıb

Bakıda “COMMONIST” müasir incəsənət sərgisi açılıb

22.09.2012 [15:27]

Azərbaycanın birinci xanımı Mehriban Əliyeva açılış mərasimində iştirak edib
Dünən “YARAT!” Müasir İncəsənət Məkanında “COMMONIST” layihəsi çərçivəsində multikulturalizm mövzusuna həsr olunmuş sərgi açılıb.
Azərbaycanın birinci xanımı Mehriban Əliyeva və Heydər Əliyev Fondunun vitse-prezidenti Leyla Əliyeva açılış mərasimində iştirak ediblər.
AzərTAc xəbər verir ki, sərgidə həyəcanlandırıcı mövzuya tamamilə müxtəlif baxışlarını əks etdirən 19 rəssamın işi nümayiş olunur. Layihənin “COMMONIST” adı hər hansı siyasidən çox, daha geniş, universal mənaya çağırışdır. “COMMONIST” sağ və ya sol baxışlara malik vətəndaş deyil, insan birgə yaşayışının dəyişən qaydaları ilə barışmaq məcburiyyətində olan vətəndaşdır. O, öz mülahizələrində ümumbəşəri dəyərləri rəhbər tutur.
Multikulturalizm yeni və çox sürətlə inkişaf edən hadisə kimi açıq həyəcandan və inadkar imtinadan tutmuş utancaq ümidə qədər son dərəcə ziddiyyətli reaksiyaya səbəb olur.
Multikulturalizmə siyasətçilər, sosioloqlar, filosoflar və yazıçılar tərəfindən yüzlərlə təriflər verilmişdir. “YARAT!” Müasir İncəsənət Məkanı hər kəsə təsir edən böyük və birmənalı olmayan fenomenin bədii interpretasiyasını təqdim edir. Müəlliflərin hər biri multikulturalizmə öz şəxsi tərifini - bəzən müsbət və ya mənfi, lakin əksər halda böyük sual işarəsini təklif edirlər.
Tədbirdə “YARAT!” qeyri-kommersiya təşkilatının təsisçisi Aida Mahmudova çıxış edərək layihə barədə məlumat verib. O, Azərbaycanın müasir incəsənətinin gözəl gələcəyinə inamını ifadə edib. Aida Mahmudova sərginin Sitarə İbrahimova və İsfar Sarabskinin birgə hazırladıqları “Hüdud” video musiqi performansı ilə açıldığını nəzərə çatdırıb.
Sərgi ilə yaxından tanış olan Mehriban xanım Əliyevaya buradakı bənzərsiz sənət nümunələri haqqında ətraflı məlumat verilib. Layihənin iştirakçıları həm gənclər, həm də artıq tanınmış rəssamlardan ibarətdir: Afət Bağırova, Aida Mahmudova, Əli Həsənov, Cemma Səttar, Faiq Əhməd, Fəxriyyə Məmmədova, Fərid Rəsulov, İlkin Hüseynov, Leyla Əliyeva, Mahmud Rüstəmov, Məmməd Rəşidov, Niyaz Nəcəfov, Orxan Hüseynov, Pərviz Cəfərov, Rəşad Babayev, Sitarə İbrahimova, Tərlan Qorçu, Vüsal Rəhim.
2011-ci ildə Aida Mahmudova tərəfindən əsası qoyulmuş “YARAT!” müasir Azərbaycan incəsənətinin təbliği və inkişafı ilə məşğuldur. “YARAT!”ın qarşısına qoyduğu məqsəd və tapşırıqlar həm rəssamlığa yenicə başlayan, həm də formalaşmış rəssamlar üçün professional yaradıcılıq platformasının yaradılmasından ibarətdir.
Azərbaycanın dövlət və hökumət nümayəndələrinin, tanınmış sənət adamlarının, ziyalıların iştirak etdiyi sərgi böyük maraq doğurub.
Sonda bütün tədbir iştirakçılarına minnətdarlığını bildirən “YARAT!” qeyri-kommersiya təşkilatının təsisçisi Aida Mahmudova üzərində rəhbərlik etdiyi təşkilatın adı yazılmış tortu kəsib.
Sərgi oktyabrın 22-dək davam edəcək.

Paylaş:

Baxılıb: 2679 dəfə