Baydendən ədalətsiz qərar

Bakı:

27 °C

61 %

12 m/s

Əlaqə

AZ RU EN

Ana səhifə / Dünya / Baydendən ədalətsiz qərar

Baydendən ədalətsiz qərar

03.12.2024 [09:11]

O, cinayətləri sübut olunmuş oğlu Hanteri əfv etməklə hüquqa və qanunlara hörmətsizlik etdi

ABŞ Prezidenti Cozef Bayden silah və vergidən yayınma üzrə təqsirli bilinən və dekabrda həbsi nəzərdə tutulan oğlu Hanter Baydeni əfv edib. Keçən ay Ağ Evin prezidentin oğlunu əfv etmək niyyətinin olmadığına dair verdiyi açıqlamaya baxmayaraq, onun əvf edilməsinə dair bəyanat yayılıb.

Cozef Bayden əfv qərarını oğluna qarşı irəli sürülən ittihamları siyasi motivli olması ilə əlaqələndirməyə çalışıb. Bayden əlavə edib ki, oğlunu əfv etmək qərarını çox düşündükdən sonra verib və bu qərarda təkcə doğmalıq deyil, həm də məhkəmənin ədalətsiz olduğuna inanması rol oynayıb: “Mən ədalətə inanıram, amma inanıram ki, siyasət bu prosesə nüfuz edib və ədalətin pozulmasına gətirib çıxarıb”.

Prezidentin narkoman oğlunu nə qədər cəza gözləyirdi?

Xatırladaq ki, Hanter Bayden 2018-ci ildə narkotik maddənin təsiri altında odlu silah alması ilə bağlı üç ağır maddə üzrə təqsirli bilinib. O, “Colt Cobra” revolverini alarkən narkotik qəbul etmədiyini yazılı şəkildə qeyd edərək yalan söyləyib və narkomanların odlu silaha sahib olmasını qadağan edən qanunu pozub. O, həmçinin vergidən yayınma ilə bağlı irəli sürülmüş 9 ittiham üzrə məhkəmədə təqsirli olduğunu etiraf edib. 2023-cü ilin dekabrında isə konkret ittiham irəli sürülüb və barəsində məhkəmə qərarı var. Prezidentin oğlunu vergi ittihamı üzrə maksimum 17 il həbs cəzası və 1,35 milyon dollara qədər cərimə, silah alışına görə 25 ilə kimi azadlıqdan məhrumetmə cəzası və 750 min dollar cərimə gözləyirdi. Silah alışı ittihamı üzrə onun həbsi dekabrın 13-nə, vergi məsələsi ilə bağlı dekabrın 16-na nəzərdə tutulmuşdu.

Göründüyü kimi, Hanter məhkəmə prosesi zamanı təqsirli olduğunu etiraf edib. Belə olan halda, ata Baydenin məhkəmənin qərarında siyasi motiv axtarmasının heç bir əsası yoxdur. Digər tərəfdən, ABŞ-da hər kəs oğul Baydenin əyyaş, narkoman, cinayət törətmiş şəxs olduğunu yaxşı bilir. Hər iki iş üzrə- həm silah məsələsi, həm də vergidən yayınmada Hanterin qanunsuz əməlləri sübuta yetirilib. Lakin Prezident Bayden səlahiyyətlərindən sui-istifadə edərək öz oğlunu azadlığa buraxdı. Əslində, bu qərara təəccüblənməmək də olar. Çünki vaxtında tüfeyli həyat tərzinə görə qınaq hədəfində olan Baydenin narkoman, cinayətkar, əxlaqsız oğlunu əfv etməsi başa düşüləndir.

Tramp bu qərarı “sui-istifadə” adlandırıb

Görünür, bu, amerikasayağı demokratiyadır. Digər ölkələrə qanunun aliliyindən dərs keçməyə çalışan Bayden administrasiyası ən ali səviyyədə belə qanunsuzluqlar törədir. Ona görə də, Baydenin başqa ölkələrə ədalət dərsi keçməyə mənəvi haqqı yoxdur.

Yeri gəlmişkən, ABŞ-ın yeni seçilmiş prezidenti Donald Tramp Baydenin öz oğlunu əfv etməsini sui-istifadə və hüququn aliliyinin pozulması kimi səciyyələndirib. Tramp hesab edir ki, bu qərar ədalət prinsiplərindən uzaqdır. Belə olan halda, onun səlahiyyətlərini icra etməyə başlamasından sonra oğul Baydenin işinə yenidən baxılması istisna deyil.

Nardar BAYRAMLI

Paylaş:

Baxılıb: 675 dəfə