Prezident İlham Əliyev "Akkord" qranit-mərmər zavodunun açılış mərasimində iştirak edib

Bakı:

19 °C

79 %

12 m/s

Əlaqə

AZ RU EN

Ana səhifə / Gündəm / Prezident İlham Əliyev "Akkord" qranit-mərmər zavodunun açılış mərasimində iştirak edib

Prezident İlham Əliyev "Akkord" qranit-mərmər zavodunun açılış mərasimində iştirak edib

10.08.2010 [10:10]

ölkəmizdə qranit və mərmər məhsullarının istifadəsinə artan tələbat bu istehsal sahəsinin genişləndirilməsi zərurətini yaradıb
Avqustun 9-da Prezident İlham Əliyev “Akkord” qranit-mərmər zavodunun açılış mərasimində iştirak edib.
Prezident İlham Əliyev “Akkord” qranit-mərmər zavoduna gəlib. Dövlətimizin başçısına məlumat verilib ki, ölkəmizdə qranit və mərmər məhsullarının istifadəsinə artan tələbat bu istehsal sahəsinin genişləndirilməsi zərurətini yaradıb. Bu məqsədlə “Akkord” Şirkətlər Qrupu tərəfindən genişmiqyaslı tikinti-yenidənqurma işləri həyata keçirilib, daha müasir avadanlıqla təchiz olunan və geniş istehsal imkanlarına malik zavod inşa edilib. Zavodun tikilməsi və yenidən qurulmasına 19 milyon manat vəsait sərf olunub ki, bunun da 3,5 milyon manatını İqtisadi İnkişaf Nazirliyinin Sahibkarlığa Kömək Milli Fondunun güzəştli krediti və Şirkətlər Qrupunun sərmayəsi təşkil edib.
Dövlətimizin başçısı zavodun sərgi salonu ilə tanış olub. Salonun girişində Ulu öndər Heydər Əliyevin büstü qoyulub. Burada ümummilli lider Heydər Əliyevin və Prezident İlham Əliyevin müxtəlif istehsal müəssisələrinin açılış mərasimlərində iştirakından bəhs edən fotostend də yaradılıb.
Prezident burada qranit və mərmərdən hazırlanmış məhsullara baxıb. Qeyd olunub ki, qranit-mərmər zavodunun Azərbaycanda 2 Ağlay yatağı, Türkiyədə Bej mərmər ocağı, Ukraynada isə qranit yataqları var. Zavodda məhsul istehsalında, həmçinin dünyanın bir sıra ölkələrindən gətirilən müxtəlif növ mərmər və qranit bloklardan, oniks və travertendən istifadə edilir. Prezident İlham Əliyev qranit emalı sexinə gəlib. Dövlətimizin başçısı istehsal prosesinin başlanmasını bildirən düyməni basaraq sexi işə salıb.
Qeyd olunub ki, texniki göstəricilərinə görə yüksək keyfiyyətli məhsullar istehsal edilməsi məqsədi ilə zavodda avtomatik idarə edilən dəzgahlar quraşdırılıb, həmçinin zavodun bütün sexlərində ətraf mühitin qorunması məqsədi ilə sutəmizləyici sistem yaradılıb. Zavodda böyük və kiçik ölçülü plitələr, pillə və sinəlik, sürahi, qırma kub daş, səki daşları, çanaqaltı daşlar istehsal ediləcək. Daşlar xam, cilalanmış, zehlənmiş və yandırılmış səthlərə malik olacaq.
Qranit-mərmər zavodunun ərazisində yeni istehsal sahələri və müasir standartlara uyğun idarəetmə və xidmət binaları inşa olunub. Burada işçilərin istirahət etməsi və işləməsi üçün hər cür şərait yaradılıb, eyni zamanda yüksək standartlara cavab verən ikimərtəbəli yeməkxana binası tikilib. Zavodda və daş karxanalarında ümumilikdə 200-dən artıq işçinin çalışması nəzərdə tutulur.
Zavodla yaxından tanış olan dövlətimizin başçısı müvafiq tapşırıq və tövsiyələrini verib.

Paylaş:

Baxılıb: 1155 dəfə