Azərbaycan hökuməti Böyük Vətən müharibəsi veteranlarına yüksək diqqət və qayğı göstərir

Bakı:

26 °C

46 %

6 m/s

Əlaqə

AZ RU EN

Ana səhifə / Gündəm / Azərbaycan hökuməti Böyük Vətən müharibəsi veteranlarına yüksək diqqət və qayğı göstərir

Azərbaycan hökuməti Böyük Vətən müharibəsi veteranlarına yüksək diqqət və qayğı göstərir

09.05.2012 [17:18]

1945-ci illər Böyük Vətən müharibəsinin iştirakçılarına ayrılan birdəfəlik yardımın məbləğinə görə Azərbaycan MDB məkanında liderdir
Prezident İlham Əliyevin uğurla gerçəkləşdirdiyi sosialyönümlü iqtisadi siyasət və çevik islahatlar nəticəsində ölkə vətəndaşlarının yaşayış səviyyəsi yüksəlib, ölkəmiz öz iqtisadi inkişaf tempinə görə, öncül mövqeyini qoruyub saxlayıb, bütün proqramlar icra olunub, pensiyaçıların sosial müdafiəsi sahəsində mühüm addımlar atılıb. Bir sözlə, sosial sahədə dövlətin siyasəti uğurla davam edir. Məsələn, ötən il maaşlar, pensiyalar artırılıb. 900 minə yaxın pensiyaçını əhatə edən həmin artım 40 faiz təşkil edib. Azərbaycanda orta pensiyanın səviyyəsi hazırda təqribən 180-190 dollar səviyyəsindədir. Orta maaş 460 dollara yaxındır.
Pensiya sistemində həyata keçirilən köklü islahatlardan sonra pensiyaların orta aylıq məbləği MDB-də ən yüksək göstərici sayılır. MDB məkanında Azərbaycan 1941-1945-ci illər müharibəsi iştirakçılarına ayrılan birdəfəlik maddi yardımın məbləğinə görə də ilk yerdədir. Bu isə o deməkdir ki, aztəminatlı ailələrin böyük əksəriyyətini təşkil edən pensiyaçılar dövlətin qayğı göstərdiyi, diqqət mərkəzində saxladığı əhali qruplarındandır.
Bu qayğının göstəricisi olan və ənənəyə çevrilən daha bir addım 1941-1945-ci illər Böyük Vətən müharibəsinin iştirakçılarına ayrılan birdəfəlik yardımlardır.
Məlum olduğu kimi, Azərbaycan Prezidenti İlham Əliyev dünya savaşında həlak olan və ya sonralar vəfat edən azərbaycanlı döyüşçülərin dul arvadlarına, arxa cəbhədə fədakar əməyinə görə orden və medallarla təltif edilmiş şəxslərə birdəfəlik maddi yardım verilməsi barədə Sərəncam imzalayıb. Dövlət başçısı bu məqsədlə 2012-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan 7.5 milyon (yeddi milyon beş yüz min) manat vəsait ayrılması barədə tapşırıq verib.
ölkə Prezidentinin Sərəncamında birdəfəlik maddi yardımın müvafiq şəxslərə çatdırılmasını təmin etmək Dövlət Sosial Müdafiə Fonduna tapşırılıb. Xatırladaq ki, 2005-ci ildən etibarən bu proses Dövlət Sosial Müdafiə Fondunun xətti ilə davam edir. İndiyə qədər olduğu kimi, bu il də Fond birdəfəlik yardımın Sərəncamın şamil olunduğu şəxslərə çatdırılmasını gecikdirmədən həyata keçirib. Belə ki, Sərəncama uyğun olaraq ayrılan məbləğ həmin şəxslərin hesablarına köçürülüb.
Dövlət Sosial Müdafiə Fondunun sədri Səlim Müslümovun sözlərinə görə, Sərəncam 28 968 nəfərə şamil olunub. Bunlardan 2739 nəfəri bilavasitə Böyük Vətən müharibəsi iştirakçılarıdır və Sərəncama əsasən, onlara 500 manat məbləğində birdəfəlik yardım göstərilib.
Böyük Vətən müharibəsində həlak olmuş və ya sonralar vəfat etmiş döyüşçülərin dul arvadlarına, 1941-1945-ci illərdə arxa cəbhədə fədakar əməyinə görə orden və medallarla təltif edilmiş şəxslərə, İkinci Dünya müharibəsi illərində döyüşən cəbhələrin arxa hüdudları, yaxud döyüşən donanmaların əməliyyat zonaları daxilində ordunun və donanmanın mənafeyi üçün tapşırıqları yerinə yetirmiş xüsusi birləşmələrin işçilərinə, İkinci Dünya müharibəsi dövründə Leninqrad şəhərinin müdafiəsinə görə müvafiq medal və döş nişanı ilə təltif edilmiş şəxslərə, habelə Leninqrad mühasirəsinin iştirakçılarına isə 200 manat məbləğində birdəfəlik maddi yardım verilib. Bu kateqoriyaya aid olan şəxslərin sayı isə 26 229 nəfər təşkil edib.
RUHİYYƏ

Paylaş:

Baxılıb: 1118 dəfə