Prezident İlham Əliyev Ümum Həmkarlar İttifaqları Konfederasiyasının prezidentini və baş katibini qəbul edib

Bakı:

27 °C

54 %

7 m/s

AZ RU EN

Ana səhifə / Gündəm / Prezident İlham Əliyev Ümum Həmkarlar İttifaqları Konfederasiyasının prezidentini və baş katibini qəbul edib

Prezident İlham Əliyev Ümum Həmkarlar İttifaqları Konfederasiyasının prezidentini və baş katibini qəbul edib

04.07.2012 [00:06]

Azərbaycan Respublikasının Prezidenti İlham Əliyev dünən ümum Həmkarlar İttifaqları Konfederasiyasının prezidenti Mixail Şmakovu və konfederasiyanın baş katibi Vladimir Şerbakovu qəbul edib. ümum Həmkarlar İttifaqları Konfederasiyasının prezidenti Mixail Şmakov Azərbaycanda ölkə rəhbərliyi ilə həmkarlar qurumları arasında sıx əlaqələrin və fəal əməkdaşlığın mövcudluğunu məmnunluqla qeyd edib. Təşkilatın baş katibi Vladimir Şerbakov bu il ümum Həmkarlar İttifaqları Konfederasiyasının növbəti qurultayının olacağı və qurultaya hazırlıq işləri barədə dövlətimizin başçısına məlumat verib. O, Rusiyada və Azərbaycanda hökumət qurumları ilə həmkarlar ittifaqları arasında münasibətləri yüksək dəyərləndirib.
ölkəmizə hər dəfə səfər etdikləri zaman Azərbaycanda böyük inkişaf proseslərinin və müsbət dəyişikliklərin şahidi olduqlarını vurğulayan ümum Həmkarlar İttifaqları Konfederasiyasının prezidenti Mixail Şmakov bu istiqamətdə Prezident İlham Əliyevin liderliyi ilə Azərbaycanın təcrübəsinin və əldə etdiyi nailiyyətlərin yaxşı nümunə kimi rəhbərlik etdiyi təşkilatın iclaslarında müzakirə etdiklərini söyləyib. Mixail Şmakov həmkarlar hərəkatındakı yüksək xidmətlərinə görə Azərbaycan Respublikasının Prezidenti İlham Əliyevin ümum Həmkarlar İttifaqları Konfederasiyasının ali mükafatına - Qızıl döş nişanına layiq görülməsi ilə bağlı təşkilatın yekdilliklə qərar qəbul etdiyini deyib və mükafatı dövlətimizin başçısına təqdim edib. Dövlətimizin başçısı ümum Həmkarlar İttifaqları Konfederasiyasının yüksək mükafatına layiq görülməsindən məmnunluğunu ifadə edib və bunu ölkəmizdə hökumət orqanları ilə həmkarlar ittifaqları arasında əməkdaşlığa verilən yüksək qiymət kimi dəyərləndirib. Prezident İlham Əliyev bildirib ki, Azərbaycan dövlətinin əsas məqsədi insanların sosial həyat şəraitini yaxşılaşdırmaqdan, ölkə iqtisadiyyatını daha da gücləndirməkdən ibarətdir.
Dövlətimizin başçısı ölkələrimiz arasında əlaqələrin bütün istiqamətlərdə, o cümlədən siyasi, iqtisadi və mədəni sahələrdə uğurla inkişaf etdiyini vurğulayıb, münasibətlərimizin strateji tərəfdaşlıq xarakteri daşıdığını deyib. İkitərəfli münasibətlərimizin güclü tarixi bazaya və humanitar əməkdaşlığa əsaslandığını deyən Prezident İlham Əliyev Azərbaycanda Slavyan Universitetinin, rusdilli məktəblərin, Rusiya Mədəniyyət Mərkəzinin, Moskva Dövlət Universitetinin Bakı filialının fəaliyyətini, Rus Pravoslav Kilsəsinin Bakı və Azərbaycan Yeparxiyasının inzibati binasının tikintisini bu sahədə əməkdaşlığın nümunəsi kimi qiymətləndirib. Dövlətimizin başçısı əlaqələrimizin bundan sonra da genişlənəcəyinə əminliyini ifadə edib.

Paylaş:

Baxılıb: 1063 dəfə