Azərbaycanda vergi ödəyicilərinin müraciətləri diqqətlə araşdırılır

Bakı:

20°C

68%

7m/s

Əlaqə

AZ RU EN

Ana səhifə / İqtisadiyyat / Azərbaycanda vergi ödəyicilərinin müraciətləri diqqətlə araşdırılır

Azərbaycanda vergi ödəyicilərinin müraciətləri diqqətlə araşdırılır

12.09.2015 [11:23]

2015-ci ilin birinci yarımilliyi ərzində Vergilər Nazirliyinin Vergi Apelyasiya Şurasının icraatında 14 müraciət olub
Məlum olduğu kimi, ölkəmizdə vergi ödəyicilərinin hüquqlarının qorunması ön plandadır və son illər bu istiqamətdə bir sıra vacib addımlar atılıb. Onu da vurğulamaq yerinə düşər ki, Azərbaycanda fəaliyyət göstərən vergi ödəyiciləri məhkəmələrə müraciət etməzdən əvvəl vergi orqanının yuxarı instansiyalarında öz hüquqlarını bərpa etmək üçün geniş imkanlara malikdirlər. Vergilər Nazirliyində fəaliyyət göstərən Vergi Apelyasiya Şurası məhz bu məqsədlərə xidmət edir.
2015-ci ilin birinci yarımilliyi ərzində Vergilər Nazirliyinin Vergi Apelyasiya Şurasının icraatında 14 müraciət olub. Bu müraciətlərdən biri 2014-cü ildən qalmış, 13 müraciət isə 2015-ci ilin ilk 6 ayı ərzində daxil olub. Şuranın icraatında olmuş müraciətlərdən 8-i kameral vergi yoxlamasının, 3-ü səyyar vergi yoxlamasının, 3-ü isə operativ vergi nəzarətinin nəticələri ilə bağlı olub. Müraciətlərin 11-nə 2015-ci ilin birinci yarımilliyi ərzində Azərbaycan Respublikasının Vergi Məcəlləsinin, “İnzibati icraat haqqında” Azərbaycan Respublikası Qanununun, “Vergilər Nazirliyinin Vergi Apelyasiya Şurası haqqında Əsasnamə”nin və digər aidiyyəti hüquqi aktların tələblərinə uyğun baxılaraq müvafiq qərarlar qəbul edilib. 1 iyul 2015-ci il tarixinə qalıq qalmış 3 müraciətdən 1-i üzrə əhəmiyyət kəsb edən halların müəyyən olunması ilə bağlı olaraq Xarici İşlər Nazirliyi vasitəsilə Böyük Britaniyanın vergi orqanına sorğu göndərilib. Şurada baxılaraq müvafiq qərarlar qəbul edilmiş 11 müraciətin 4-ü tam və ya qismən təmin olunub, 4-ü təmin edilməyib, 1-nin icraatına xitam verilib, 2-si isə baxılmadan saxlanılıb. Şura tərəfindən baxılmış 11 müraciətdən 10-u vergi ödəyicisinin təkrar şikayəti, 1-i isə vergi orqanının müraciəti üzrə olub.
Yeri gəlmişkən, vergi ödəyicilərinin müraciətlərinə etinasız yanaşan vergi orqanları və onların vəzifəli şəxsləri ilə bağlı müvafiq tədbirlər görülür. Məlumat üçün bildirək ki, Vergilər Nazirliyinin Daxili təhlükəsizlik Baş İdarəsində 2015-ci ilin 2-ci rübündə daxili nəzarət qaydasında keçirilmiş tədbirlərin, bu zaman aşkar edilmiş intizam pozuntularının monitorinqi aparılıb. Monitorinq nəticəsində müəyyən edilib ki, 2015-ci ilin 2-ci rübündə nazirliyin struktur bölmələrinin daxili nəzarət qrupları tərəfindən ümumilikdə 523, o cümlədən yerli vergi orqanlarında 442, nazirliyin aparatının struktur vahidlərində 81 daxili nəzarət tədbiri keçirilib. Qeyd olunan dövrdə vergi orqanı əməkdaşlarının hərəkətlərindən (hərəkətsizliyindən) Daxili təhlükəsizlik Baş İdarəsinə daxil olmuş müraciətlərin və təqdimatların araşdırılması, habelə yerli vergi orqanlarında aparılan daxili nəzarət tədbirləri zamanı 27 əməkdaş tərəfindən xidməti fəaliyyətində nöqsanlara yol verildiyi aşkar edilərək 13 əməkdaşa töhmət, 8 nəfərə sonuncu xəbərdarlıqla şiddətli töhmət verilib, 1 əməkdaşın xüsusi rütbəsi bir pillə aşağı salınıb, 1 əməkdaş 6 ay müddətinə aşağı vəzifəyə keçirilib, 2 əməkdaş tutduğu vəzifədən kənarlaşdırılıb, 2 nəfərə yazılı xəbərdarlıq edilib.

Paylaş:

Baxılıb: 841 dəfə