Heydər Əliyev
yeni azerbaycan logo

Ana səhifə / İqtisadiyyat / Niderland Azərbaycanda kənd təsərrüfatı və qida məhsullarının təhlükəsizliyi ilə bağlı layihələrdə iştirak edəcək

Niderland Azərbaycanda kənd təsərrüfatı və qida məhsullarının təhlükəsizliyi ilə bağlı layihələrdə iştirak edəcək

16.05.2018 [09:35]

Mayın 15-də Azərbaycan Respublikasının Qida Təhlükəsizliyi Agentliyinin (AQTA) sədri Qoşqar Təhməzli Avropa Şurası Parlament Assambleyasının fəxri prezidenti, Niderland-Azərbaycan Dostluq Qrupunun sədri Rene Van der Lindenin başçılıq etdiyi Niderland Krallığının kənd təsərrüfatı və biznes üzrə nümayəndə heyəti ilə görüşüb.
Bu barədə AZƏRTAC-a agentliyin Kommunikasiya və informasiya texnologiyaları şöbəsindən açıqlama verilib.
Q.Təhməzli Azərbaycan və Niderland Krallığı arasında əməkdaşlığın inkişaf etdiyini, əlaqələrin genişləndirilməsində yüksək səviyyəli qarşılıqlı səfərlərin və keçirilən görüşlərin mühüm əhəmiyyətini vurğulayıb.
Sədr yeni yaradılan Qida Təhlükəsizliyi Agentliyinin fəaliyyəti və gələcəkdə həyata keçiriləcək tədbirlərlə bağlı qonaqlara məlumat verib, Azərbaycan ilə Niderland Krallığı arasında qarşılıqlı əməkdaşlığın genişləndirilməsinin kənd təsərrüfatı və qida təhlükəsizliyi sahəsinin inkişaf etdirilməsinə böyük töhfə verəcəyinə ümidvar olduğunu bildirib.
Niderland Krallığının nümayəndə heyəti Azərbaycanda kənd təsərrüfatı və qida məhsullarının təhlükəsizliyi, habelə bu istiqamətdə reallaşdırılacaq layihələrdə iştirak etməyə hazır olduqlarını ifadə ediblər.
Qeyd olunub ki, bu ilin fevral ayında da Bakıda səfərdə olan nümayəndə heyəti ADA və Vageningen universitetlərinin birgə təşkil etdiyi “SARA” adlı tədqiqat işini təqdim edib.

Paylaş:
Baxılıb: 730 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30