Heydər Əliyev
yeni azerbaycan logo

Ana səhifə / İqtisadiyyat / Yerli startapçıların ABŞ-dakı akselerasiya proqramlarında iştirakı müzakirə olunub

Yerli startapçıların ABŞ-dakı akselerasiya proqramlarında iştirakı müzakirə olunub

17.08.2018 [09:05]

Yerli startapçıların ABŞ-dakı akselerasiya proqramlarında iştirakı müzakirə edilib.
Nəqliyyat, Rabitə və Yüksək Texnologiyalar Nazirliyindən AZƏRTAC-a bildirilib ki, müzakirələr Yüksək Texnologiyalar Parkının (YTP) direktoru Tural Kərimli ilə Azərbaycanda Amerika Ticarət Palatasının (“AmCham Azərbaycan”) yeni təyin olunmuş icraçı direktoru Natiq Baxışovun görüşündə aparılıb. Yüksək Texnologiyalar Parkının Biznes İnkubasiya Mərkəzinin fəaliyyətindən danışan T.Kərimli ölkəmizdə yaradılan əlverişli investisiya mühitindən bəhs edib. O bildirib ki, parkın rezidentləri üçün xüsusi sərfəli güzəştlər təklif olunur.
Görüşdə startap layihələrə investorların cəlb olunması və yerli startapçıların Amerikadakı akselerasiya proqramlarında iştiraklarına dəstək göstərilməsinə dair müzakirələr aparılıb. Bundan başqa, birgə layihələrin reallaşdırılmasına, eləcə də startaplar üçün mübadilə proqramlarının həyata keçirilməsinə dair razılıq əldə edilib.
Xatırladaq ki, cari ilin mayında Nəqliyyat, Rabitə və Yüksək Texnologiyalar Nazirliyinin Yüksək Texnologiyalar Parkı və “AmCham Azərbaycan” arasında əməkdaşlığa dair memorandum imzalanıb. Memoranduma əsasən, iki qurum arasında uzunmüddətli və strateji əməkdaşlıq üçün yol xəritəsi tərtib olunacaq.

Paylaş:
Baxılıb: 815 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30