Astaranın Ərçivan qəsəbəsində yeni sitrus meyvə bağı salınır

Bakı:

16 °C

72 %

6 m/s

Əlaqə

AZ RU EN

Ana səhifə / İqtisadiyyat / Astaranın Ərçivan qəsəbəsində yeni sitrus meyvə bağı salınır

Astaranın Ərçivan qəsəbəsində yeni sitrus meyvə bağı salınır

05.05.2021 [19:48]

Prezident İlham Əliyevin müvafiq Fərmanı ilə təsdiq edilmiş “Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqramı”nın icrası istiqamətində Astara rayonunda kənd təsərrüfatı məhsulları istehsalı və emalı sahəsinin inkişafı, o cümlədən intensiv bağçılıq təsərrüfatının yaradılması, çəltik dəyirmanın tikintisi, sitrus bağlarının salınması, çəltikçiliyin inkişafı istiqamətində tədbirlər davam etdirilir.

Dövlət Proqramının icrası ilə bağlı son illər Astarada fərdi təsərrüfatlar istisna olunmaqla, fermerlər və sahibkarlar tərəfindən yeni innovativ üsulların tətbiqi ilə 200 hektar intensiv subtropik və sitrus meyvə bağı salınıb.

AZƏRTAC-ın bölgə müxbiri xəbər verir ki, Astara rayonunun Ərçivan qəsəbəsində “İMANNA” MMC tərəfindən yeni sitrus bağı salınır.

Ümumi sahəsi 40 hektar olan sitrus meyvə bağının salınmasına 2018-ci ildən başlanılıb. Hazırda türkiyəli mütəxəssislərin iştirakı ilə təsərrüfatda 10 hektar sahədə “Miaqava” sortu yapon naringi tinglərin ən yeni üsullarla əkini, müasir suvarma sistemlərinin qurulması davam edir.

Bundan başqa. “İMANNA” MMC-nin rayonda sutkalıq gücü 40 ton olan çəltik dəyirmanı, 34 hektar çəltik sahəsi var.

Rayon rəhbərliyi təsərrüfatda görülən işlərlə yerində tanış olub, sahibkarın problemləri ilə maraqlanıb tövsiyələrini verib.

Qeyd olunub ki, Prezident İlham Əliyevin ölkəmizdə qeyri-neft sektorunun inkişaf etdirilməsi ilə bağlı tapşırığına uyğun olaraq Dövlət Proqramının icrası ilə əlaqədar Astara rayonu üçün xarakterik olan kənd təsərrüfatı sahələrinin, əsasən subtropik və sitrus meyvə bağlarının sahəsi son illər xeyli genişləndirilib, yeni bağlar salınıb.

Sitrusçuluğun inkişaf etdirilməsinə təsir edən əsas amillərdən biri fermer və sahibkarlara güzəştli qaydalarla gübrələrin verilməsi və subsidiyaların tətbiq edilməsidir. Təkcə ötən il rayonda fermer və sahibkarlara güzəştli şərtlərlə 350 ton gübrə verilib, 483 min 261 manat subsidiya ödənilib.

Diqqətə çatdırılıb ki, aqrar sahədə yeni subsidiya mexanizminin yaradılması haqqında Azərbaycan Respublikası Prezidentinin Fərmanına əsasən, “Kənd təsərrüfatı məhsulları istehsalının subsidiyalaşdırılması Qaydası” təsdiq edilib, yeni subsidiya mexanizminin tətbiqinə başlanılıb.

Yeni qaydalara əsasən, 2021-ci ildə salınacaq yeni intensiv limon bağlarının hər hektarı üçün 11000 manat, portağal və naringi bağlarına 9000 manat birdəfəlik subsidiyaların verilməsi nəzərdə tutulub.

Paylaş:

Baxılıb: 738 dəfə