Rusiyanın 500 milyard dollardan çox aktivləri...

Bakı:

25 °C

38 %

5 m/s

Əlaqə

AZ RU EN

Ana səhifə / İqtisadiyyat / Rusiyanın 500 milyard dollardan çox aktivləri...

Rusiyanın 500 milyard dollardan çox aktivləri...

09.07.2022 [10:37]

Ukraynanın bərpası üçün xərclənə bilər?

NARDAR

Rusiya Federasiyasının dondurulmuş aktivlərinin Ukraynaya verilməsi nəzərdə tutulur. Bu barədə Avropa Komissiyasının Prezidenti Ursula fon der Lyayen Strasburqda keçirdiyi mətbuat konfransında məlumat verib. Onun sözlərinə görə, Avropa Komissiyası qanunvericilik bazası hazırlayır ki, Rusiyanın dondurulmuş aktivləri Ukraynanın bərpasına verilsin. Avropa Komissiyasının rəhbəri hesab edir ki, bu yanaşma ədalətlidir. Rusiyanın aktivlərinə dövlət rezervləri ilə yanaşı, rus oliqarxların vəsaitləri də daxildir.

Diplomat Ukraynanın bərpası üzrə İsveçrənin Luqano şəhərində keçirilən beynəlxalq konfransı da uğurlu adlandırıb. “Şübhəsiz, idarəçilik sistemi tətbiq olunmalıdır. Bu sistem hesabatlı, bütün təşəbbüslər üzrə inandırıcı olmalı, maliyyə almalı və Ukraynanın bərpası üzrə investisiyaları islahatlarla birləşdirməlidir”- deyə Ursula fon der Lyayen əlavə edib.

Rusiyanın dondurulmuş aktivlərinin Ukraynanın bərpasına yönəldilməsi təşəbbüsü reallaşa biləcəkmi? Məsələ ilə bağlı Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov qəzetimizə açıqlamasında bildirib ki, dünya təcrübəsində hansısa ölkənin hesablarının dondurulması və sonradan geri qaytarılmaması halları var. Bu, xüsusən də siyasi səbəbdən sanksiyaların tətbiq edilməsi ilə bağlıdır. Onun sözlərinə görə, indiyədək bir sıra ölkələrin rəhbəri olmuş şəxslərin xarici banklardakı valyuta hesablarındakı pulları dondurulub və sonradan həmin vəsaitlər geri qaytarılmayıb: “Amma sanksiyalara məruz qalan bir ölkənin aktivlərinin digər ölkənin bərpasına yönəldilməsi praktikası yenidir. Yəni Avropa Komissiyasının Rusiyanın dondurulmuş aktivlərinin Ukraynanın bərpasına yönəltməsi planı dünya təcrübəsində bir yenilik olacaq. Burada çox irihəcmli vəsaitdən söhbət getdiyini nəzərə alsaq, həmin vəsaitin dondurulması və Ukraynanın bərpası üçün istifadə olunması Rusiya iqtisadiyyatına neqativ təsir göstərəcək. Rusiya iş adamlarının vəsaitini, dövlətin rezervlərini əhatə edən bu aktivlər 500 milyard dollardan çoxdur. Rusiyanın iş adamları da çox zərər görəcəklər”.

Millət vəkili qeyd edib ki, sözügedən qanun qəbul olunarsa bu, Ukraynanın postmüharibə dövründə daha tez bərpasına imkan yarada bilər. Çünki bu işə yönəldiləcək Rusiyanın aktivlərinin həcmi böyükdür, həm də donor dəstəyi var. Nəticə etibarilə, bununla Ukrayna kifayət qədər valyuta cəlb edərək bərpa işlərini intensiv şəkildə həyata keçirəcək.

Paylaş:

Baxılıb: 860 dəfə