Yeni elektron pulqabı ilə...

Bakı:

17°C

82%

4m/s

Əlaqə

AZ RU EN

Ana səhifə / İqtisadiyyat / Yeni elektron pulqabı ilə...

Yeni elektron pulqabı ilə...

02.11.2022 [10:54]

Ödəmələr daha asan həyata keçəcək

Nicat

Texnologiyanın inkişaf etməsi ilə əlaqədar əvvəllər bir xeyli vaxtımızı alan prosesləri indi saniyələr içərisində reallaşdıra bilirik. Xidmət sahələrinin böyük əksəriyyətinin ənənəvi qaydada təqdim edilməsi ilə yanaşı elektronlaşdırılması, dolayısıyla mobil formata keçid etməsi zərurətini nəzərə alaraq ölkəmizdə fəaliyyət göstərən bankların hər biri istifadəçiləri üçün mobil tətbiqlər təklif edirlər. Günümüzdə yalnız bir neçə bank ola bilər ki, mobil tətbiqi yoxdur, amma bu da o mənaya gəlmir ki, onun elektronlaşdırılmış sistemi yoxdur. Çünki ən azından rəsmi saytında bu və ya digər xidmət üçün ödəmə funksiyası mövcuddur. Belə olan halda istifadəçilər bütün xidmətlərdən yalnız bir proqram vasitəsilə yararlanmaq istəyirlər.

Bu günə qədər ölkəmizdə bir çox üsullardan istifadə olunub. İstər dünyada, istərsə də Azərbaycanda ən optimal variant elektron pulqabılardan istifadə hesab olunur. Belə ki, elektron pulqabıları vasitəsilə pul vəsaitlərinizi həmin hesablarda saxlayaraq bir çox üstünlüklər əldə edə bilərsiniz. Məsələn, elektron pulqabıları üzərindən etdiyiniz hər ödənişə görə sizin hesabınıza müəyyən miqdarda bonuslar əlavə olunur. Məhz bu bonusların da hesabına hansısa xidmətdən yararlana, hansısa məhsulu əldə edə bilərsiniz. Dolayısıyla, bu bonuslar gələcəkdə sizə pul vəsaiti olaraq geri qayıdır. Bu gün ölkəmizdə xeyli sayda elektron pulqabılar mövcuddur. Onlardan biri də “PashaPay” tərəfindən yaradılan “m10” tətbiqidir. Sözügedən tətbiq artıq Azərbaycanın fintex sahəsinə daxil olub. Artıq insanlar “m10” tətbiqi ilə bütün ödənişləri və ya köçürmələrini rahat, sürətli, təhlükəsiz və ən əsası, 0 faiz komissiya ilə həyata keçirə biləcəklər.

“m10” istifadəçiləri üçün xeyli üstünlüklər də qazandırır. Tək nömrə ilə qeydiyyat, komissiyasız pul köçürmələri, QR kodla ödəniş, bir toxunuşla bütün ödənişləri həyata keçirmək imkanı, komissiyasız nağdlaşdırma və bir çox digər imkanlar yaradan “m10” istifadə etmək üçün kart məlumatlarını daxil etməyə vaxt sərf etmək lazım deyil, eyni zamanda ölkədaxili hər yerə və hər kəsə tək nömrə ilə sürətli köçürmələr etmək mümkündür. İstifadəçilər balansdakı vəsaiti bütün “Kapital Bank” bankomatlarından rahatlıqla nağdlaşdırmaq imkanına malikdirlər. Hazırda “m10”-la bütün kommunal ödənişləri komissiyasız etmək və 2 faiz keşbek qazanmaq mümkündür. Həmçinin “m10”-la mobil balansı da komissiyasız və 2 faiz keşbek qazanaraq artırmaq olar. Qeyd edilən bütün üstünlüklərdən yararlanaraq istifadəçilər əlavə xərclərdən azad olacaqlar.

Bunun üçün isə sadəcə “Google Play” və ya “App Store”dan tətbiqi telefona endirmək, yalnız mobil nömrəni yazaraq qeydiyyatdan keçmək və “balansı artırmaq” düyməsini seçərək bank kartı və ya MillliÖN vasitəsilə “m10”-a vəsait yükləmək kifayətdir.

“m10”-a sahib olmaq və ondan istifadə etmək bu qədər sadədir. Üstəlik, tətbiqdə heç bir gizli şərt yoxdur. İstifadəçilərin ödəniş vərdişlərini asanlaşdırmaq və gündəlik xərclərini azaltmaq üçün “m10” tətbiqi təkmilləşməyə və yeniliklərlə sevindirməyə davam edəcək. “m10” - həm geniş kütlə, həm də fərdi sahibkarlar üçün həyatı asanlaşdırır.

Paylaş:

Baxılıb: 818 dəfə