Nağd pul mərkəzi yaradılır

Bakı:

17°C

82%

4m/s

Əlaqə

AZ RU EN

Ana səhifə / İqtisadiyyat / Nağd pul mərkəzi yaradılır

Nağd pul mərkəzi yaradılır

22.02.2023 [10:39]

Nicat Dilqəmli

Azərbaycan Mərkəzi Bankı (AMB) iki il ərzində ölkədə yeni “Cash Center” nağd pul mərkəzinin yaradılmasını planlaşdırır. Bunu AMB-nin Nağd pul departamentinin Ekspertiza şöbəsinin rəisi Nəsib Pənahlı “Nağd pul dövriyəsinin təşkili - 2023 seminarı”nda deyib.

O qeyd edib ki, Mərkəzi Bankın əsas yeniliklərindən biri də avadanlıqlara qarşı tələblərin müəyyən edilməsidir: “Yeni yaradılacaq “Cash Center” tam avtomatlaşdırılmış nağd pul mərkəzi olacaq”.

Tam avtomatlaşdırılmış nağd pul mərkəzlərinin üstünlükləri nələrdir? Yeni layihənin hansı müsbət nəticələr verəcəyi ehtimal edilir?

AMB tərəfindən yeni tam avtomatlaşdırılmış nağd pul mərkəzlərinin yardılması barədə fikirlərini “Yeni Azərbaycan” qəzetinə bölüşən Milli Məclisin deputatı, iqtisadçı-ekspert Vüqar Bayramov yeni layihənin önəmindən söz açıb: “AMB tərəfindən nağd pul ofisləri fəaliyyət göstərir. Nağd pul ofisləri əskinasların dəyişdirilməsini, yoxlanılmasını həyata keçirir. Nəzərə alsaq ki, zədələnmiş əskinasların həm yoxlanılmasına, həm də dəyişdirilməsinə ehtiyac var, elə bu ofislər də sözügedən prosesə məsul idilər. Nağd pul mərkəzlərinin avtomatlaşdırılmış olması gözlənilir. Bu mərkəzlər vasitəsilə nağd pulla bağlı xidmətlərin həyata keçiriləcəyi gözlənilir”.

Deputat yeni yaradılacaq avtomatlaşdırılmış mərkəzlərdə hansı xidmətlərin göstəriləcəyi ehtimallarını da diqqətə çatdırıb: “Doğrudur, AMB tərəfindən hansı xidmətlərin göstəriləcəyi hələlik elan olunmayıb, amma gözlənti bundan ibarətdir ki, ümumiyyətlə, zədələnmiş və ya yoxlanılmasına ehtiyac olan pul əskinaslarının avtomatlaşdırılmış formada dəyişdirilməsi mərkəzlər vasitəsilə mümkün ola bilər. ?u, həm də nağd pula olan tələbin avtomatlaşdırılmış formada mərkəzlər tərəfindən həyata keçirilməsinə gətirib çıxara bilər. Bizim də təklifimiz xüsusən ondan ibarətdir ki, nağdlaşdırma zamanı ortaq tariflər və ya tarifsiz nağdlaşdırma siyasəti həyata keçirilsin. Bu istiqamətdə də mərkəzlər vasitəsilə müvafiq addımların atılmasının mümkün olacağı gözlənilir”.

“O baxımdan, nağd pul mərkəzlərinin əsas fəaliyyəti həm nağd pula olan tələbatın daha asan və avtomatlaşdırılmış yolla ödənilməsinə nail olunması, eyni zamanda, digər xidmətlərin, o cümlədən, əskinasların yoxlanılması və dəyişdirilməsi kimi xidmətlərin də avtomatlaşdırılmış formada təqdim edilməsinin reallaşmasına səbəb ola bilər”, - deyə V.Bayramov fikirlərinə əlavə edib.

Paylaş:

Baxılıb: 490 dəfə