Heydər Əliyev
yeni azerbaycan logo

Ana səhifə / Maraqlı / Ağdamdakı “Çay evi”ni azadlıqdan məhrum edilmiş şəxslər tikiblərmiş

Ağdamdakı “Çay evi”ni azadlıqdan məhrum edilmiş şəxslər tikiblərmiş

28.12.2023 [12:30]

MÜŞFİQƏ

Ağdam şəhərində məşhur “Çay evi” yenidən inşa olunacaq. Ağdamın simvolu hesab edilən çay evi şəhər mərkəzi parkının ərazisində, əvvəlki yerində tikiləcək.

Gəlin, birlikdə Ağdamın məşhur “Çay evi”nin maraqlı tarixçəsinə nəzər salaq. Buranın tikilməsi məşhur ağdamlı ziyalı, alim Xudu Məmmədovun ideyasıdır. Səksəninci illərdə Ağdam Rayon Partiya Komitəsinə rəhbərlik etmiş Sadiq Murtuzayevin rayonda həyata keçirdiyi layihələrin demək olar ki, əksəriyyətinin ideya müəllifi Xudu Məmmədov idi. "Çay evi" layihəsinin baş memarı isə Naiq Səmədov idi.

Deyilənə görə, Çay evinin formasının necə olması barədə uzun müzakirələr aparılırdı. Sadiq Murtuzayev və Xudu Məmmədov Kioto adasında olan Mikado-Yapon İmperatorunun sarayının görüntüsü olan “Yaponiya” jurnalını görür. Şəklidə çay evinə oxşar binanın təsviri var imiş. Ağdamda da belə bir binanın inşa edilməsini qərarına gəlirlər. “Çay evi” elə məscidin yanında ibadətə gələnlər üçün tikilir. “Çay evi”nin tikintisində ən çətin işi - günbəzin sinklənmiş dəmirlə vurulması imiş. Bu işi görə biləcək bir gənc tapılır. Mamed adlı gənc hərbi xidmətə getməli imiş. Həmin gəncin Ağdamda xidmət etməsinə nail olunur. Beləcə “Çay Evi”nin damı vurulur. Hətta inşaat xərclərini azaltmaq üçün azadlıqdan mərhum edilmiş şəxslərin əməyindən istifadə edilir.

Ən nəhayət, 26 iyul 1986-cı ildə “Çay evi”nin təntənəli açılış mərasimi olur. Ağdamın rəmzinə çevrilir. Əfsuslar olsun ki, Ağdamın simvoluna çevrilən həmin çay evi Ermənistan Silahlı Qüvvələri tərəfindən yandırılaraq məhv edilir.

Paylaş:
Baxılıb: 642 dəfə

Xəbər lenti

Hamısına bax

Xəbər lenti

YAP xəbərləri

MEDİA

Siyasət

Gündəm

İqtisadiyyat

MEDİA

44 günün dastanı...

08 Noyabr 09:34

Analitik

Siyasət

Ədəbiyyat

ZƏFƏR NƏĞMƏLƏRİ

08 Noyabr 08:28

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30