Heydər Əliyev
yeni azerbaycan logo

Ana səhifə / Mədəniyyət / UNESCO üzrə Türkiyə Milli Komissiyası işçi qrupunun üzvləri Şəkidən xoş təəssüratlarla ayrılıblar

UNESCO üzrə Türkiyə Milli Komissiyası işçi qrupunun üzvləri Şəkidən xoş təəssüratlarla ayrılıblar

07.02.2014 [09:04]

Azərbaycanda səfərdə olan UNESCO üzrə Türkiyə Milli Komissiyası işçi qrupunun üzvləri səfər proqramına uyğun olaraq fevralın 6-da Şəkidə olublar.
UNESCO üzrə Azərbaycan və Türkiyə Milli komissiyalarının birgə həyata keçirdiyi “Türkiyə və Azərbaycan ənənəvi əl sənətləri” layihəsi çərçivəsində Ailə, Qadın və Uşaq Problemləri üzrə Dövlət Komitəsi (AQUPDK) və Azərbaycan Milli Komissiyasının birgə təşkilatçılığı ilə həyata keçirilən bu səfər Azərbaycanın ənənəvi əl sənətləri ilə tanışlıq məqsədi daşıyır.
AzərTAc xəbər verir ki, işçi qrupunun üzvləri əvvəlcə bölgənin ən iri sənaye müəssisəsi olan “Şəki-İpək” ASC-də olub, müəssisənin istehsal sahələrini gəzib, kəlağayı və ipək xalça toxunan sexlərdə iş prosesi ilə maraqlanıb, burada çalışan qadınlarla görüşüb, onlarla sorğu aparıblar.
Qonaqların diqqətinə çatdırılıb ki, Şəki əsrlər boyu ipəkçilik ənənələrinin qorunub saxlandığı bir şəhər olub. İpəkçilik hər bir şəkilinin məişətində özünəməxsus yer tutub. Bu sahənin inkişafı Şəkidə sənətkarlığın tərəqqisinə də mühüm təsir göstərib.
Sonra türkiyəli qonaqlar “Yuxarıbaş” Tarix və Memarlıq Qoruğunun ərazisində yerləşən “Sənətkarlar evi”nə gəlib, burada fəaliyyət göstərən sənətkar emalatxanaları ilə tanış olub, yerli sənətkarların hazırladıqları şəbəkə, təkəlduz, xovlu tikmə, bədii tikmə, ağac üzərində oyma və digər əl işlərinə baxıblar.
Şəkiyə səfərləri çərçivəsində işçi qrupunun üzvləri tarix-diyarşünaslıq muzeyinə də baş çəkib, şəhərin görməli yerlərini gəziblər.

Paylaş:
Baxılıb: 1182 dəfə

Xəbər lenti

Hamısına bax

Xəbər lenti

YAP xəbərləri

MEDİA

Siyasət

Gündəm

İqtisadiyyat

MEDİA

44 günün dastanı...

08 Noyabr 09:34

Analitik

Siyasət

Ədəbiyyat

ZƏFƏR NƏĞMƏLƏRİ

08 Noyabr 08:28

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30