Heydər Əliyev
yeni azerbaycan logo

Ana səhifə / Mədəniyyət / Kürdəmir və Tərtər məktəbliləri Şəkidə unudulmaz bir gün keçiriblər

Kürdəmir və Tərtər məktəbliləri Şəkidə unudulmaz bir gün keçiriblər

26.08.2014 [09:32]

Kürdəmir və Tərtər məktəbliləri “Ölkəmizi tanıyaq” devizi ilə keçirilən tur-aksiya çərçivəsində Şəkinin bir sıra tarixi yerləri ilə tanış olublar.
AzərTAc xəbər verir ki, onların üz tutduqları ilk tarixi məkan Şəki xanlarının sarayı olub. Aksiya iştirakçılarına məlumat verilib ki, Şərq memarlığının nadir incisi hesab olunan bu saray XVIII əsrə aid tarixi-memarlıq abidəsidir. Şəkinin bənzərsiz mədəniyyət abidələrinə heyran qalan böyük türk şairi və yazıçısı Nazim Hikmət vaxtilə belə yazıb: “Əgər Azərbaycanın başqa qədim tikililəri olmasaydı belə, təkcə Şəki xanlarının sarayını dünyaya göstərmək bəs edərdi...”.
Sarayla tanışlıqdan məmnun qalan tur-aksiya iştirakçıları tarixi abidənin önündə xatirə şəkilləri çəkdiriblər.
Məktəblilər sonra Rəşid bəy Əfəndiyev adına Şəki Tarix-Diyarşünaslıq Muzeyində olublar. 1925-ci ildən fəaliyyət göstərən muzeydə 5 minə yaxın eksponat saxlanılır. Buradakı qədim fayton məktəblilərin xüsusi marağına səbəb olub. Onlara məlumat verilib ki, Azərbaycanın görkəmli ictimai-siyasi xadimi Nəriman Nərimanov 1920-ci ilin oktyabrında Yevlaxdan Şəkiyə məhz bu faytonla gəlmişdi.
Tur-aksiya iştirakçıları “Yuxarıbaş” Tarix və Memarlıq Qoruğunun ərazisini gəziblər. Daha sonra Şəki sənətkarlarının əl işlərinə tamaşa ediblər və ərazidəki yay teatrında təşkil olunmuş maraqlı konsert proqramını izləyiblər.
XVIII əsrin sonunda Şərq memarlığı üslubunda tikilən “Yuxarı Karvansaray” mehmanxana kompleksi ilə tanışlıq da məktəblilərin ürəyincə olub.
Şəkinin dəyərli tarixi abidələrindən biri Kiş kəndindəki qədim alban məbədidir. Abidəni maraqla seyr edən tur iştirakçılarına məlumat verilib ki, o, eramızın I əsrində Qafqaz Albaniyasında geniş yayılan Ay məbədinin özülü üzərində qurulub və erkən orta əsrlərdə tikilən ilk günbəzli məbəddir.
Səfər proqramına uyğun olaraq, tur-aksiya iştirakçıları həmin gün Şəkinin digər tarixi məkanlarına da baş çəkiblər, şəhərin görməli yerləri ilə tanış olublar.

Paylaş:
Baxılıb: 1011 dəfə

Xəbər lenti

Hamısına bax

Xəbər lenti

YAP xəbərləri

MEDİA

Siyasət

Gündəm

İqtisadiyyat

MEDİA

44 günün dastanı...

08 Noyabr 09:34

Analitik

Siyasət

Ədəbiyyat

ZƏFƏR NƏĞMƏLƏRİ

08 Noyabr 08:28

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30