Heydər Əliyev
yeni azerbaycan logo

Ana səhifə / Mədəniyyət / Koreyanın “AB-ROAD” turizm jurnalında Heydər Əliyev Mərkəzi haqqında məqalə dərc olunub

Koreyanın “AB-ROAD” turizm jurnalında Heydər Əliyev Mərkəzi haqqında məqalə dərc olunub

01.04.2017 [09:07]

Azərbaycanın Koreya Respublikasındakı səfirliyinin təşəbbüsü ilə Heydər Əliyev Mərkəzinin eksteryerinin və interyerinin fotoları, o cümlədən bina barədə məlumat bu ölkədə nəşr olunan “AB-ROAD” turizm jurnalının mart nömrəsinin “Dünyanın ən yaxşı memarlıq abidələri” bölməsində yerləşdirilib.
Səfirlikdən AZƏRTAC-a bildiriblər ki, nəşrdə Heydər Əliyev Mərkəzinin məşhur memar Zaha Hadid tərəfindən dizayn edilməsi, 2014-cü ildə “İlin dizaynı” mükafatına layiq görülməsi, binanın qeyri-adi xarici görünüşü, heyranedici interyeri və memarlıq üslubu barədə məlumat verilib. Qeyd olunub ki, Mərkəz adi binadan daha çox canlı bir gövdəni xatırladır, onun ən diqqətçəkən hissəsi konsert zalıdır, döşəməsindən tavanına qədər incə palıd ağacından hazırlanmış zalın oturacaqları melodik şəkildə düzülüb. Bundan başqa, Mərkəzin Azərbaycanın Ümummilli lideri Heydər Əliyevin adına inşa edildiyi qeyd olunub.
Jurnalda Heydər Əliyev Mərkəzi ilə yanaşı, İstanbulda yerləşən Sultan Əhməd məscidi, Barselonadakı La Sagrada Familia kilsəsi, Vatikandakı Sistina ibadətgahı, İsveçrədəki Müqəddəs Qallen kitabxanası və bir sıra digər məşhur memarlıq nümunələrinə yer verilib.
Qeyd edək ki, 2006-cı ildən aylıq dərc olunan “AB-ROAD” turizm xarakterli jurnaldır və Koreyada bu istiqamətdə ən praktik və informativ nəşrlərdən biri kimi tanınır. Koreya dilində aylıq 50 min nüsxə tirajla çap olunan “AB-ROAD” jurnalı əsasən Koreya hava yolları şirkətlərinin təyyarələrində uçan sərnişinlərə təqdim olunur.

Paylaş:
Baxılıb: 861 dəfə

Xəbər lenti

Hamısına bax

Xəbər lenti

YAP xəbərləri

MEDİA

Siyasət

Gündəm

İqtisadiyyat

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30