Heydər Əliyev
yeni azerbaycan logo

Ana səhifə / Mədəniyyət / Fikrət Əmirovun “Min bir gecə” baleti yenə də tamaşaçılar tərəfindən alqışlarla qarşılanıb

Fikrət Əmirovun “Min bir gecə” baleti yenə də tamaşaçılar tərəfindən alqışlarla qarşılanıb

27.01.2020 [16:40]

Aparıcı sənət ocaqlarımızdan olan Azərbaycan Dövlət Akademik Opera və Balet Teatrı hər zaman olduğu kimi, bu dəfə də klassik əsərlərin ən parlaq nümunələri ilə tamaşaçılarının görüşünə gəlib. Belə ki, yanvarın 26-da Fikrət Əmirovun "Min bir gecə" baleti nümayiş olunub. Bakı sakinləri Fikrət Əmirovun musiqisini dinləmək, Tahir Salahov tərəfindən yaradılan dekorasiyaları görmək imkan qazanıblar. "Min bir gecə" ərəb nağılının motivləri əsasında hazırlanan balet səhnədə sevilən personajları – Şəhrizad, Ələddin, Sindbad, şahzadə Buduru canlandırırdı. Mükəmməl xoreoqrafiya, parlaq kostyumlar, dekorasiya və əfsanəvi azərbaycanlı bəstəkar Fikrət Əmirovun musiqisi sadəcə tamaşaçıları ovsunlayırdı.
Valehedici melodiyalar, rəngarəng harmonik dil və orkestrləşdirmə, səmimi lirika səhnələri ilə xalq səhnələri və məişət lövhələrinin növbələşməsi "Min bir gecə" baletinin əsas xüsusiyyətləridir. “Min bir gecə” dərin fəlsəfi tamaşadır. Bu, qadına, onun məhəbbətinə və müdrikliyinə himndir. Çox mürəkkəb və dərin ideyaların rəqslə ifadə olunması bəstəkarın bu janrda ən böyük nailiyyətidir.
Məlumat üçün bildirək ki, əsərin premyerası 1979-cu ildə Azərbaycan Opera və Balet Teatrında olub. Tamaşaya Xalq Artisti, Dövlət mükafatı laureatı Nazim Rzayev dirijorluq edib. Sonra Moskva, Leninqrad, Tbilisi, Novosibirsk, Dnepropetrovsk və keçmiş SSRİ-nin bir çox şəhərlərinin səhnələrində göstərilib.
“Min bir gecə” tamaşasının müəllifləri bəstəkar Fikrət Əmirov, baletmeyster Nailə Nəzirova, dirijor Nazim Rzayev, rəssam Toğrul Nərimanbəyov və baş rolların ifaçıları SSRİ Dövlət mükafatına layiq görülüblər.
Sonda tamaşaçılarla dolu olan zal uzun müddət ayaq üstə sənətçiləri alqışlayıb.
MÜŞFİQƏ

Paylaş:
Baxılıb: 864 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30