Heykəl kimin adını daşıyır?

Bakı:

13 °C

88 %

10 m/s

Əlaqə

AZ RU EN

Ana səhifə / Mədəniyyət / Heykəl kimin adını daşıyır?

Heykəl kimin adını daşıyır?

06.05.2022 [10:39]

“Oskar” mükafatı barədə maraqlı faktlar

Film Sənətləri və Elmləri Akademiyasının təsis etdiyi “Oskar” mükafatı ilk dəfə 16 may 1929-cu ildə Hollivudun “Roosevelt” otelində təqdim olunub. Mükafat 1927-ci ildə “MetroGoldwyn-Mayer”in qurucusu Luis Mayer tərəfindən təsis edilib. Əvvəlcə təşkilat əmək mübahisələrini həll etməli idi, lakin qısa müddət sonra akademiyanın adından nüfuzlu kino mükafatlarını təqdim etmək ideyası yarandı. “Oskar” film sənayesində bədii və texniki dəyər səviyyəsinə əsasən verilən ən nüfuzlu mükafata çevrildi.

İlk mükafatlar 1927-1928-ci illərdə çəkilmiş filmlər üçün 12 kateqoriya üzrə seçilib, bütün qaliblər üç ay əvvəl elan edilib. Mükafatın ilk qalibi alman aktyoru Emil Yanninqs olub. İlk mərasim cəmi 15 dəqiqə davam edib. Uilyam Vellmanın “Qanadlar” filmi “Ən yaxşı film” mükafatını qazanan ilk film olub.

1930-cu illərdə Akademiya “Oskar”ın gələcək sahibləri haqqında qəzetlərə məlumat verirdi. 1941-ci ildən bəri nəticələr son ana qədər gizli saxlanılır.

1953-cü ildə mərasimin ilk televiziya yayımı ABŞ və Kanadada baş tutdu. Hazırda dünyanın 200-dən çox ölkəsində “Oskar”ın verilmə mərasimi canlı yayımla təqdim olunur.

“Oskar”, qarşısında uzun qılınc tutan cəngavər heykəlcikdir. Hündürlüyü 34 sm, çəkisi - 3,85 kq təşkil edir. Əvvəllər mükafat bürüncdən hazırlanırdı. II Dünya Müharibəsi illərində metal cəbhənin ehtiyacları üçün lazım idi deyə, Akademiya gips heykəlciklər hazırladı. Sonrakı illərdə “Oskar” qalaydan tökülürdü. 2016-cı ildən etibarən onu 24 karat qızılla üzlənmiş bürüncdən hazırladılar. 2022-ci ilə kimi ümumilikdə 4000-ə qədər “Oskar” mükafatı təqdim edilib.

“Oskar” adını bu mükafata aktrisa Bette Davis verib. Heykəltəraş Corc Stenlinin yaratdığı fiqur onun əri Oskar Nelsona bənzədiyi üçün, aktrisa zarafatla heykəli “Oskar” adlandırırdı və ilk dəfə rəsmi olaraq 1939-cu ildə keçirilən mərasimdə bu addan istifadə edildi.

Hazırda mükafat 24 kateqoriya üzrə verilir.

“Oskar” qalibləri Film Sənətləri və Elmləri Akademiyası üzvlərinin səsverməsi ilə müəyyən edilir. Bu heyət 17 qrupa bölünmüş 8 mindən çox sənətşünasdan ibarətdir.

Mükafat tarixində üç film müxtəlif kateqoriyalar üzrə rekord sayda - 11 mükafat alıb: “Ben-Hur” (1959), “Titanik” (1997) və “Üzüklərin kralı” (2003).

Alınan mükafatların və nominasiyaların sayına görə lider amerikalı animator, kinorejissor Uolt Disneydir. Onun 26 “Oskar”ı var.

Hansısa filmin “Oskar”a namizəd olması üçün 3 əsas şərt var. Birincisi, film 40 dəqiqədən uzun olmalı, ikincisi, Los-Anceles sərhədləri daxilində ən azı bir dəfə pullu nümayiş olunmalı, üçüncüsü ən azı yeddi gün ard-arda nümayiş etdirilməlidir.

“Oskar” heykəlciyi Çikaqoda düzəldilir. Dəyəri, sadəcə, 330 dollara bərabərdir. Mükafatı qazanan şəxslərin həmin heykəlciyi satması qadağandır. Heykəlciyi istəmirsənsə, onu Akademiyanın özünə 1 dollar qarşılığında sataraq mükafatdan tamamilə imtina etmək olar.

“Oskar”ın ilk və yeganə azərbaycanlı sahibi, balerin Timur Oduşevdir. O, 2011-ci ildə 18 yaşı olarkən “Sahə” bədii filmi ilə “Xarici bədii filmdə ən yaxşı aparıcı rol” nominasiyasında mükafat qazanıb.

Paylaş:

Baxılıb: 1180 dəfə