Heydər Əliyev
yeni azerbaycan logo

Ana səhifə / Müsahibə / Xetaq Qazyumov: Karyeramı başa vurmaq fikrim yoxdur

Xetaq Qazyumov: Karyeramı başa vurmaq fikrim yoxdur

16.08.2012 [00:15]

London Olimpiadasının bürünc mükafatçısı olmuş Azərbaycanın sərbəst güləş üzrə yığmasının üzvü Xetaq Qazyumov (96 kq) Bakıdakı qarşılanma mərasimi zamanı fikirlərini “Yeni Azərbaycan”la da bölüşdü:
- Ukraynalı rəqiblə görüşünüzdə nə baş verdi?
- İkinci raundda hiss etdim ki, ayaqlarım sözümə baxmır. Təzyiqim düşməyə başladı. Bu üzdən effektli cəhdlər edə bilmədim.
- Deyilənə görə, görüşdən dərhal sonra sizi xəstəxanaya götürüblər...
- Bəli. Amma yolda mənə dedilər ki, ukraynalı artıq finala çıxıb, iranlı isə ciddi zədə alıb. Xahiş etdim ki, maşını saxlasınlar və məni geri qaytarsınlar.
- Sizi fikrinizdən daşındırmağa çalışan oldu?
- Əlbəttə. Amma mən sözümdən dönmədim. Başa düşürdüm ki, medalın bir addımlığındayam. Buna görə ağrı ilə də olsa, döyüşə çıxmağa qərar verdim.
- Tacikistandan olan rəqib sizə tanış idi?
- Bəli, Rüstəm İskəndərini mən Osetiyadakı məşqlərdən tanıyırdım. Amma onunla heç vaxt görüşməmişdim. O, mənim tam gücümlə mübarizə apara bilməməyimdən yararlanmağa çalışırdı. Lakin toparlanmağı bacardım və döyüşü qalib başa vurdum.
- Nəticənizdən razısız?
- Mən ora qalib olmaq üçün getmişdim. Belə alındı ki, bürünclə kifayətlənməli oldum.
- Deyirlər Federasiya prezidenti sizin bu bürüncünüzü qızıl medala bərabər hesab etdiyini söyləyib...
- Bəli, mənə bu barədə deyiblər. Amma bürünc mənim istədiyim deyildi. Yenə deyirəm ki, Londona çempion olmaq üçün getmişdim.
- İdmandan çempion kimi getmək istəyirdiniz?
- Getmək? Yox. Heç bir yerə getmirəm. Güclü olduğumu isbatlamalıyam. Hələ daha dörd ilim də var. Həkimlər məni müayinə edəcəklər və başa düşəcəyik ki, mən Londonda niyə özümü pis hiss edirdim. İstənilən halda bütün fikirlərim növbəti Olimpiadaya yönəlib. Karyeramı başa vurmağa hazırlaşmıram. çünki hələ öz hədəfimə çatmamışam.
Paylaş:
Baxılıb: 1009 dəfə

Xəbər lenti

Hamısına bax

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30