Azərbaycan regionda öz liderliyini davam etdirəcək

Bakı:

18°C

77%

4m/s

Əlaqə

AZ RU EN

Ana səhifə / Müsahibə / Azərbaycan regionda öz liderliyini davam etdirəcək

Azərbaycan regionda öz liderliyini davam etdirəcək

03.04.2010 [10:54]

Riçard Qriveson: 2009-cu ildə Azərbaycanda real 9,3 faiz səviyyəsində üDM artımı qibtəedici olub və ölkəni MDB dövlətləri arasında üstün mövqeyə çıxarır
“Trend News”un Britaniyanın “Business Monitor International” şirkətinin Avropanın inkişaf etməkdə olan ölkələri üzrə analitiki Riçard Qriveson ilə xüsusi olaraq, “Yeni Azərbaycan” qəzeti üçün müsahibəsi:
- Hazırda dünya dövlətləri ilə sıx iqtisadi-siyasi münasibətləri dərinləşdirən Azərbaycanın regionda geoiqtisadi mövqeyini necə qiymətləndirmək olar?
- 2009-cu ildə Azərbaycanda real 9,3 faiz səviyyəsində üDM artımı qibtəedici olub və ölkəni MDB dövlətləri arasında üstün mövqeyə çıxarır. Biz gözləyirik ki, ölkə davam etməkdə olan real üDM artımı başda olmaqla, regionda öz liderliyini davam etdirəcək, neft hasilatı artdıqca, neftin qiymətləri yüksək qalacaq. 2010-cu ildə biz Azərbaycanda üDM artımının 10 faiz səviyyədə olacağını gözləyirik. Biz Türkiyədə Azərbaycanın enerjidaşıyıcılarına tələbatın artım potensialını müşahidə edirik, əsasən bu, ölkənin əvvəlki illərdə enən iqtisadiyyatının çevik bərpası sayəsində baş verir. Bununla belə, Azərbaycan ixracının əsas istiqamətləri, əsasən, İtaliya, Almaniya və ABŞ-dır və ehtimal ki, belə olaraq da qalacaq. İdxala gəlincə, burada vəziyyət bir qədər fərqlidir - son illər Azərbaycan ixracının böyük hissəsi Türkiyə və Rusiyanın payına düşür və biz bu tendensiyanın gələcəkdə davam edəcəyini gözləyirik.
- Regional neft-qaz layihələrinin həyata keçirilməsində Azərbaycanın dünya birliyinə verdiyi töhfə hamıya məlumdur. Lakin Azərbaycanın enerji resursları ilə yanaşı, digər zəngin təbii ehtiyatları, turizm və İKT potensialı növcuddur, dünyanın tanınmış şirkətləri bu sahədə hansı layihələri həyata keçirməyi düşünür?
- Neft ortamüddətli perspektivdə Azərbaycan iqtisadiyyatında aparıcı artım faktoru olaraq qalacaq. Biz ölkədə adambaşına düşən üDM-in 2014-cü ilədək iki dəfədən çox artacağaını gözləyirik ki, bu da yaxın bir neçə ildə alıcılıq qabiliyyətinin çevik artmasına səbəb olacaq. İqtisadi rifahın artması 2008-2009-cu illərdə maliyyə böhranını digər Avropa ölkələrinin əksəriyyətindən yaxşı keçirən Azərbaycanın bank sektoru tərəfindən dəstəklənəcək və bank sektoru güclü kredit artımını dəstəkləyəcək. Nəticədə, əsasən, bank sektoru, daşınmaz əmlak sektoru və pərakəndə ticarət sektoru yaxın illərdə yaxşı fəaliyyət göstərəcək.
- Dünya Bankı Azərbaycanı bir nömrəli islahatçı ölkə elan edib. Eyni zamanda, respublikamız xarici investorlar üçün ən cəlbedici dövlətlərdən hesab olunur. Bu faktoru sərmayəçilərin daha iri layihələrdə iştirak etməsi baxımından necə qiymətləndirmək olar?
- Azərbaycan Dünya Bankının “Doing Business - 2010” məruzəsində 38-ci mövqeni tutub ki, bu da regionun digər ölkələri ilə müqayisədə açıq-aşkar üstünlükdür. İnvestorların müdafiəsi komponenti üzrə Azərbaycan 20-ci yeri tutub və bu, geniş enerji resursları ilə eyni səviyyədə ölkəni investorların diqqət mərkəzində saxlayır.
- Qlobal maliyyə böhranını uğurla dəf edən və yüksək iqtisadi inkişaf tempini qoruyub saxlayan Azərbaycanın perspektiv inkişafı barədə nüfuzlu beynəlxalq iqtisadi qurumların proqnozları kifayət qədər ürəkaçandır. Bu uğurların başlıca səbəbləri barədə nə deyə bilərsiniz?
- Azərbaycanın qlobal maliyyə böhranından uğurla yaxa qurtarmasına üç amil şərait yaradıb. Birinci amil neftdir. 2009-cu ilin birinci yarısı ərzində iqtisadiyyat mübarizə aparıb, lakin neftin qiyməti bərpa olan kimi iqtisadiyyat öz sürətini artırmağa başlayıb. İkinci amil Azərbaycan hökumətinin neft sektorunu xarici investisiyalar üçün açmaq istəyidir ki, bu da sürətli hasilata imkan verib. Və nəhayət, sonuncu amil qlobal maliyyə böhranı boyunca Azərbaycanın bank sisteminin yaxşı vəziyyətdə olmasıdır ki, bu da eniş dövrü ərzində regionun digər ölkələrindən fərqli olaraq iqtisadiyyatın kreditləşdirilməsinin saxlanılmasına imkan verib.

Paylaş:

Baxılıb: 1200 dəfə