İsveçrədə yaşayan jurnalist Əli Kərimliyə mənəviyyat və dövlətçilik dərsi keçdi

Bakı:

25 °C

61 %

6 m/s

Əlaqə

AZ RU EN

Ana səhifə / Siyasət / İsveçrədə yaşayan jurnalist Əli Kərimliyə mənəviyyat və dövlətçilik dərsi keçdi

İsveçrədə yaşayan jurnalist Əli Kərimliyə mənəviyyat və dövlətçilik dərsi keçdi

07.10.2024 [12:46]

AXCP sədri məqsədli şəkildə ermənipərəst konqresmenləri dəstəkləyir

ABŞ-ın bəzi ermənipərəst konqresmenlərinin ölkəmizə ünvanladığı "çağırış" haqlı olaraq Azərbaycan cəmiyyəti tərəfindən etirazla qarşılanır. Çünki ənənəvi və qondarma "siyasi məhbus" iddiası ilə "gündəmə gəlmək" istəyən konqresmenlərin alt məqsədi hər kəsə aydındır – onlar bu dəfə "siyasi məhbus" görüntüsü altında aylardır ki, təbliğatını apardıqları erməni separatçılarına "azadlıq" tələb edirlər.
Azərbaycanının milli maraqlarına qarşı çıxan redikül müxalifət isə "ənənəsinə" sadiq qalaraq bu dəfə də ermənipərəst konqresmenləri dəstəklədi. AXCP sədri Əli Kərimli necə ki, aylar öncə "Dağlıq Qarabağ ermənilərinin hüquqlarının müdafiəçisi" və "ermənipərəst xorun yeni solisti" Ben Kardinin səsinə "səs" vermişdisə, bu dəfə də eyni mövqeni tutdu – ABŞ konqresmenlərinin "çağırışını" dəstəklədiyini bildirdi. Amma onun erməni siyasətinin təbliğatçılarına verdiyi dəstək cəmiyyətin ayrı-ayrı nümayəndələri tərəfindən detallı şəkildə ifşa edilir.

İsveçrədə yaşayan azərbaycanlı jurnalist Elbəyi Həsənli sosial şəbəkədə bildirib ki, sözügedən 60 nəfər qondarma "Dağlıq Qarabağ respublikası"nın qondarma rəhbərlərinin və əlində silah Azərbaycana qarşı döyüşmüş hərbi əsirlərin də azad edilməsini tələb edir. O, Əli Kərimlinin konqresmenlərə dəstək üçün yazılmış bəyanatında son dərəcə önəmli olan bu məsələnin üzərindən MƏQSƏDLİ şəkildə sükutla keçdiyini deyib: "Azərbaycanın 20 faiz torpaqları 30 il ərzində erməni işğalı altında olub. Amerikanın siyasi elitası belə toplum halında Ermənistana heç olmasa 1 dəfə müraciət edərək deyibmi ki, Azərbaycanın beynəlxalq səviyyədə tanınan ərazilərindən çıxmalısız. Belə bir şey nəsə mənim yadıma gəlmir… Əli Kərimli buyurur ki, Amerika konqresmenləri haqlı olaraq Azərbaycanı Ermənistanla sülh müqaviləsi bağlamağa çağırır. Bu da Azərbaycanın milli maraqlarına uyğundur. Ermənistan sülh istəyirmi? İstəyir. Azərbaycan sülh istəyirmi? İstəyir. Bəs sülh müqaviləsi niyə bağlanmır? Çünki Ermənistan Qərbin marağını ehtiva edən öz şərtləri daxilində sülh istəyir. O şərtin daxilində Zəngəzur dəhlizi varmı? Yoxdur".

"Bəs İlham Əliyev nə deyir? Deyir ki, Zəngəzur “olmazsa-olmaz” məsələsidir. Zəngilandan Naxçıvana gedən Azərbaycan vətəndaşı maneəsiz Ermənistan ərazisində hər iki istiqamətə gedib-gələ bilər. Əli Kərimli bunu niyə istəməsin ki? Yəni Azərbaycanın istədiyi sülh sazişində bu məsələ xüsusi çəkiyə malikdir. Mən hələ Ermənistan konstitusiyasında olan Azərbaycan və Türkiyəyə torpaq tələblərindən danışmıram", - deyə bildirən E.Həsənli vurğulayıb ki, konqresmenlərin müraciətinə dəstək verən Əli Kərimli niyə demir ki, məhz Amerika sülh müqaviləsinin imzalanmasına imkan vermir. Çünki Amerika Zəngəzur dəhlizinə Rusiyanın nəzarət etməsini istəmir: "Azərbaycanın İran üzərindən Zəngəzur dəhlizinə paralel yol çəkməsini də Amerika süngü ilə qarşılayır. Deməli, Amerika Ermənistanın Azərbaycana Rusiyanın nəzarətində olacaq Zəngəzur dəhlizini vermək istəmir, o biri yandan da İrandan paralel yolun keçməsinə qarşı çıxır. Milli maraqlardan gen-bol danışan Əli Kərimli niyə ABŞ-ın yeritdiyi bu anti-Azərbaycan siyasətinə etiraz etmir..."
İsveçrədə yaşayan jurnalist onu da əlavə edib ki, Əli Kərimli və onun tərəfdarları Azərbaycan xalqının dəstəyi ilə iqtidara gələcəklərinə inanmırlar.

SADİQ

Paylaş:

Baxılıb: 797 dəfə