İlham Əliyev Laçından dünyaya yeni mesajlar verdi

Bakı:

27 °C

63 %

9 m/s

Əlaqə

AZ RU EN

Ana səhifə / Siyasət / İlham Əliyev Laçından dünyaya yeni mesajlar verdi

İlham Əliyev Laçından dünyaya yeni mesajlar verdi

31.05.2025 [10:43]

28 may 2025-ci il tarixində Laçın şəhərində Azərbaycan Prezidenti İlham Əliyevin, Türkiyə Prezidenti Rəcəb Tayyib Ərdoğanın və Pakistan Baş naziri Məhəmməd Şahbaz Şərifin iştirakı ilə Üçlü Zirvə görüşü keçirildi. Baş tutan bu Zirvədə Prezident İlham Əliyevin açılış nitqi səmimiyyət, emosionallıq, həmrəylik, əməkdaşlıq, güclü gələcək vurğusu kimi mühüm cəhətləri ilə yadda qaldı.

Prezident Zirvə görüşündə üç qardaş ölkənin bir arada olmasının və həmrəyliyinin önəmini vurğuladı. Bu tarixi görüşün işğaldan azad edilmiş Laçında keçirilməsi birlik və həmrəyliyin simvolu kimi qiymətləndirildi. 30 il ərzində işğal altında qalan torpaqların azad edilməsi və 44 günlük müharibədə iki qardaş ölkənin Azərbaycanın haqlı davasını dəstəkləməsi, Cənab Prezidentin bu ölkələrin rəhbərlərinə və xalqlarına minnətdarlıq ifadə etməsi ilə birləşdi. Bu, onun regional əməkdaşlığın və dostluğun güclənməsinə verdiyi önəmi göstərir.

İlham Əliyevin nitqi Azərbaycan, Türkiyə və Pakistan arasındakı strateji tərəfdaşlıq və qardaşlıq münasibətlərinin təntənəli şəkildə vurğulanması ilə yadda qalır. Çıxışın bir neçə əsas istiqamətini aşağıdakı kimi şərh etmək olar:

Ədalət və suverenlik: Prezident İlham Əliyev, məhz Laçında zirvə görüşünün keçirilməsinin rəmzi əhəmiyyətini qeyd edərək, 30 illik işğalın ardından Azərbaycan torpaqlarının bərpasını və beynəlxalq hüquqdan irəli gələn haqların təmin olunmasını vurğulayır.

Qardaşlıq və həmrəylik vurğusu: Türkiyə və Pakistanın Azərbaycanın haqlı mübarizəsinə verdiyi qeyd-şərtsiz dəstəyə minnətdarlıq ifadə olunur. Bu həmrəyliyin regionda və beynəlxalq aləmdə əhəmiyyətli nəticələr doğurduğu və doğuracağı bildirilir. Prezident Azərbaycanın tarixi, müstəqillik mübarizəsi və qardaş ölkələrlə olan əlaqələri haqqında geniş bir perespektiv təqdim etdiyi görünür. İkinci zirvə görüşünün əməkdaşlıq bağlarını daha da gücləndirmək məqsədini güddüyü vurğulanır.

Tarixi haqsızlıqlara qarşı mübarizə: Preziden İlham Əliyev 107 il əvvəl qurulan Azərbaycan Xalq Cümhuriyyətinin 2 il sonra süqutu, Qərbi Zəngəzurun Ermənistana verilməsi və bu kimi hadisələr Azərbaycan xalqının tarix boyunca qarşılaşdığı ədalətsizliklər kimi qiymətləndirilir. Ermənistanın işğalçılıq siyasətinin və bunun nəticəsində baş verən soyqırımların, xüsusilə Xocalı soyqırımının, Azərbaycan xalqına vurduğu ziyanı da ön plana çıxarır. Cənab Prezident, Azərbaycanın güc toplaması və beynəlxalq müstəvidə daha güclü mövqe əldə etməsi ilə bağlı ruh yüksəkliyi yaradan yeni mesajlar verir.

İkinci Qarabağ müharibəsi və böyük zəfər: 44 günlük müharibənin uğurları, Azərbaycan ordusunun irəliləyişi, Şuşanın azad olunması və antiterror əməliyyatı nəticəsində separatizmin sona çatması vurğulanır. Bu, ölkənin hərbi, siyasi və iqtisadi gücünün nəticəsi kimi təqdim olunur.

Bərpa, qayıdış və inkişaf: İşğaldan azad edilmiş ərazilərdə sürətli quruculuq və infrastruktur layihələrinin həyata keçirilməsi, insanların geri dönüşü ölkənin yeni inkişaf mərhələsinin təzahürü olduğu qeyd olunur. Ölkə başçısı, bu proseslərin bölgənin geosiyasi vəziyyətini dəyişdirdiyini və yeni reallıqlar yaratdığını qeyd edir.

Gələcəyə yeni mesaj: Son olaraq, Azərbaycan, Türkiyə və Pakistan dövlətləri arasındakı birliyin və qardaşlığın əhəmiyyətini qeyd edərək, üç ölkənin bu qədər güclü həmrəylik nümayiş etdirməsinin dünya miqyasında yeni reallıqlar yaratdığını ifadə edir.

Prezidentin çıxışı, Azərbaycan-Türkiyə-Pakistan ittifaqının regional və qlobal gücə çevrilməkdə olduğunu, bu birliyin verdiyi mesajların isə beynəlxalq aləmdə diqqətlə izlənildiyini nümayiş etdirir.

Cənab Prezidentin Laçından verilən yeni mesajların dünya miqyasında əhəmiyyətli olacağına inamı, regional əməkdaşlığın və dostluğun güclənməsinin simvolu kimi qiymətləndirilə bilər. Bu, həm də Azərbaycanın müstəqillik mübarizəsinin və qardaş xalqların dəstəyinin önəmini bir daha təsdiqləyir. Prezident İlham Əliyevin nitqi həm siyasi baxımdan strateji əhəmiyyət daşıyır, həm də xalqın tarixi yaddaşına və gələcəyə olan inamına mühüm mesajlar ötürür!

RUFİZ QONAQOV,

“Perespektiv” Siyasətin Texnologiyaları ib-nin İdarə Heyətin sədri, Siyasi elmlər üzrə fəlsəfə doktoru

Paylaş:

Baxılıb: 608 dəfə