Birləşmiş Ərəb Əmirlikləri və Azərbaycan arasında hüquqi əlaqələr inkişaf edir

Bakı:

25 °C

46 %

3 m/s

Əlaqə

AZ RU EN

Ana səhifə / Siyasət / Birləşmiş Ərəb Əmirlikləri və Azərbaycan arasında hüquqi əlaqələr inkişaf edir

Birləşmiş Ərəb Əmirlikləri və Azərbaycan arasında hüquqi əlaqələr inkişaf edir

18.09.2013 [09:32]

Sentyabrın 17-də ədliyyə naziri, Məhkəmə-Hüquq Şurasının sədri Fikrət Məmmədov Birləşmiş Ərəb Əmirliklərinin (BƏƏ) Dubay Məhkəmələrinin baş direktoru Əhməd Səid bin Həziminin rəhbərlik etdiyi nümayəndə heyəti ilə görüşüb.
Ədliyyə Nazirliyinin mətbuat xidmətindən AzərTAc-a bildiriblər ki, ölkələrimiz arasında dostluq və səmərəli əməkdaşlıq münasibətlərini vurğulayan nazir 2006-cı ildə Azərbaycan Prezidenti İlham Əliyevin Birləşmiş Ərəb Əmirliklərinə səfəri zamanı imzalanmış hüquqi yardım və ekstradisiya haqqında mühüm dövlətlərarası müqavilələrin və Ədliyyə nazirlikləri arasında əməkdaşlıq haqqında Anlaşma Memorandumunun hüquqi sahədə əlaqələrin inkişafında rolunu qeyd edib.
Həmçinin son illər respublikamızda ədliyyə və məhkəmə sisteminin inkişafı üzrə görülən genişmiqyaslı islahatlardan danışılıb, Dünya Bankı ilə birgə həyata keçirilən “Ədliyyə sisteminin müasirləşdirilməsi” layihəsi çərçivəsində BƏƏ-yə tanışlıq səfəri edilərək Dubay Əmirliyinin məhkəmə sahəsindəki müsbət təcrübəsindən bəhrələnildiyi bildirilib.
Birləşmiş Ərəb Əmirliyi üçün yaxın dost ölkə olan Azərbaycanın məhkəmə-hüquq sistemindəki yüksək nailiyyətləri barədə məlumatlı olduğunu bildirən qonaq qeyd edib ki, hüquqi sahədə ikitərəfli əlaqələrin daha da genişləndirilməsi Dubay Əmirliyinin əsas prioritetlərindən biridir və səfərin məqsədi ölkəmizin məhkəmə sahəsində müsbət təcrübəsi ilə tanış olmaqdır. O, həmçinin məhkəmə orqanları arasında yenicə imzalanmış İşçi Proqramın əlaqələrimizin inkişafına böyük təkan olacağını vurğulayıb.
Söhbət zamanı qonaqların diqqəti Ermənistan-Azərbaycan, Dağlıq Qarabağ münaqişəsinin acı nəticələri, torpaqlarımızın 20 faizinin işğalı və bir milyondan çox soydaşımızın qaçqın və məcburi köçkün vəziyyətinə düşməsi faktına cəlb olunub.
Görüşdə əməkdaşlığın inkişaf perspektivləri müzakirə olunub, faydalı fikir mübadiləsi aparılıb.
Qonaqlar nazirlikdə Ədliyyə tarixi muzeyi ilə tanış olublar.
Elə həmin gün BƏƏ-nin nümayəndə heyəti məhkəmə sistemindəki nailiyyətlərə böyük maraq göstərərək Bakı şəhəri Yasamal Rayon Məhkəməsinin yeni müasir binası ilə tanış olub, yaradılmış yüksək şəraiti, xüsusilə informasiya-kommunikasiya texnologiyalarının geniş tətbiqini, məhkəmə infrastrukturunun müasirləşdirilməsini təqdir edib.
Səfər çərçivəsində qonaqların bölgələrdə yerli ədliyyə və məhkəmə orqanlarının fəaliyyəti ilə tanışlığı nəzərdə tutulur.

Paylaş:

Baxılıb: 1096 dəfə