Heydər Əliyev
yeni azerbaycan logo

Ana səhifə / Siyasət / Konstitusiya Məhkəməsinin sədri Strasburqda keçirilmiş “dəyirmi masa”da iştirak edib

Konstitusiya Məhkəməsinin sədri Strasburqda keçirilmiş “dəyirmi masa”da iştirak edib

04.02.2014 [09:28]

Azərbaycan Respublikası Konstitusiya Məhkəməsinin sədri Fərhad Abdullayevin başçılıq etdiyi nümayəndə heyəti İnsan Hüquqları üzrə Avropa Məhkəməsinin sədri Din Şpilmannın dəvəti ilə yanvarın 29-dan fevralın 1-dək Strasburq şəhərində səfərdə olub.
Azərbaycan Respublikası Konstitusiya Məhkəməsinin mətbuat xidmətindən AzərTAc-a bildiriblər ki, səfər zamanı Fərhad Abdullayev və rəhbərlik etdiyi nümayəndə heyəti İnsan Hüquqları üzrə Avropa Məhkəməsinin növbəti məhkəmə ilinin açılışına həsr olunmuş, Avropa Şurasına üzv ölkələrin Konstitusiya məhkəmələrinin və digər yüksək məhkəmə orqanları sədrlərinin iştirakı ilə “İnsan Hüquqları üzrə Avropa Məhkəməsinin qərarlarının həyata keçirilməsi: məhkəmələrin vəzifəsi” mövzusunda keçirilmiş “dəyirmi masa”da iştirak edib.
Tədbirdə Avropa Məhkəməsi ilə milli məhkəmələr arasında qarşılıqlı əlaqələr, Avropa Məhkəməsinin qəbul etdiyi qərarlar, “İnsan hüquqlarının və əsas azadlıqların müdafiəsi haqqında” Avropa Konvensiyasının 16-cı Protokolundan irəli gələn hüquqi aspektlər və digər məsələlər müzakirə edilib.
Tədbirdə iştirak edən bir sıra Avropa ölkələrinin Konstitusiya məhkəmələrinin sədrləri ilə görüşlər keçirilib və ikitərəfli məhkəmə təcrübəsi ilə bağlı məsələlərə dair fikir mübadilələri aparılıb.

Paylaş:
Baxılıb: 907 dəfə

Xəbər lenti

Hamısına bax

YAP xəbərləri

İqtisadiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31