Xocalının işğalı zamanı hətta müharibə qaydaları kobud surətdə pozulub və bütöv bir şəhər yer üzündən silinib

Bakı:

21 °C

52 %

4 m/s

AZ RU EN

Ana səhifə / Siyasət / Xocalının işğalı zamanı hətta müharibə qaydaları kobud surətdə pozulub və bütöv bir şəhər yer üzündən silinib

Xocalının işğalı zamanı hətta müharibə qaydaları kobud surətdə pozulub və bütöv bir şəhər yer üzündən silinib

27.02.2014 [09:06]

Səfərbərlik və Hərbi Xidmətə Çağırış üzrə Dövlət Xidmətində Xocalı faciəsinin 22-ci ildönümü ilə əlaqədar anma mərasimi keçirilib.
Xidmətin ictimaiyyətlə əlaqələr şöbəsindən AzərTAc-a bildiriblər ki, mərasimi açan Xidmət rəisinin müavini, polkovnik Zaur Abdullayev Xocalının işğalı zamanı hətta müharibə qaydalarının pozulduğunu, bütöv bir şəhərin yer üzündən silindiyini vurğulayıb.
Qeyd edib ki, bizim sıralarımızda xidmət edən döyüşlərin iştirakçısı olmuş zabitlərimiz daha yaxşı bilirlər ki, müharibənin öz qaydaları vardır və bu qaydalarda dinc əhaliyə, qadınlara, uşaqlara toxunmamaq əsas götürülür. Amma Xocalıda biz heç kimə fərq qoyulmadığının şahidi olduq. Xocalı faciəsi məhz buna görə insanlığa qarşı cinayətlərlə eyni sırada dayanır.
Xocalı faciəsinə hüquqi qiymət verilməsində Ümummilli lider Heydər Əliyevin əvəzsiz rolu qeyd edilib, Heydər Əliyev Fondunun bu soyqırımı aktının dünyada tanıtdırılması istiqamətində gördüyü işlərdən söz açılıb. Bildirilib ki, Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” kampaniyası nəticəsini verir və artıq dünya Xocalı hadisələrini soyqırımı kimi tanıyır.
Daha sonra Azərbaycan Respublikasının Diasporla iş üzrə Dövlət Komitəsinin idarə rəisi Cavanşir Vəliyev çıxış edərək “Xocalıya ədalət!” Beynəlxalq kampaniyası çərçivəsində diaspor təşkilatları tərəfindən aparılan işlərdən söz açıb.
Cavanşir Vəliyev kampaniyanın nəticəsi olaraq artıq bir neçə ölkədə Xocalı soyqırımının tanındığını vurğulayaraq, bununla kifayətlənməli olmadığımızı deyib. O, komitə tərəfindən Xocalı soyqırımının dünyaya çatdırılması ilə bağlı tədbirlərin yalnız fevralın 26-da deyil, il ərzində həyata keçirildiyini qeyd edib.
Müstəqil tədqiqatçı Rövşən Məmmədov isə Xocalı faciəsinin tarixindən ətraflı söhbət açıb. O, həmçinin Heydər Əliyev İrsini Araşdırma Mərkəzinin nəşr etdiyi “Xocalı-1992” kitabını təqdim edib.
Türkiyə Universitetləri Məzunları İctimai Birliyinin sədri Çingiz Bayramov Xocalı soyqırımının dünyada tanıtdırılmasında QHT-lərin, gənclərin, tələbələrin rolundan danışıb.
Daha sonra “Türkiyə Universitetləri Məzunları” İctimai Birliyinin Xocalı soyqırımına həsr etdiyi sosial çarx nümayiş olunub.

Paylaş:

Baxılıb: 997 dəfə