Heydər Əliyev
yeni azerbaycan logo

Ana səhifə / Siyasət / Azərbaycan ilə Monteneqro və ATƏT-in Parlament Assambleyası arasında əlaqələrin inkişafı məsələləri müzakirə olunub

Azərbaycan ilə Monteneqro və ATƏT-in Parlament Assambleyası arasında əlaqələrin inkişafı məsələləri müzakirə olunub

17.04.2014 [09:19]

Aprelin 16-da Azərbaycan Respublikasının Baş naziri Artur Rasizadə Monteneqro parlamentinin sədri, ATƏT Parlament Assambleyasının prezidenti Ranko Krivokapiçin başçılıq etdiyi nümayəndə heyəti ilə görüşüb.
AzərTAc xəbər verir ki, Baş nazir Artur Rasizadə ölkələrimiz arasında müxtəlif sahələrdə əməkdaşlığın genişləndirilməsi üçün yaxşı potensialın olduğunu bildirib. Birgə əməkdaşlığın inkişafının böyük maraq doğurduğu, bunun üçün hər iki ölkənin geniş imkanlara malik olduğu diqqətə çatdırılıb.
Baş nazir Azərbaycanın iqtisadi və sosial sahələrdə əldə etdiyi uğurlar barədə məlumatları Monteneqro parlamenti sədrinin diqqətinə çatdırıb.
Daha sonra Ermənistan-Azərbaycan, Dağlıq Qarabağ münaqişəsi və onun ağır nəticələri barədə qonağa ətraflı məlumat verən Baş nazir Artur Rasizadə bildirib ki, Ermənistanın Azərbaycana hərbi təcavüzü nəticəsində torpaqlarımızın 20 faizi işğal olunub, 1 milyondan çox vətəndaşımız etnik təmizləmə siyasətinə məruz qalıb. Baş nazir Azərbaycanın bu problemin beynəlxalq hüququn norma və prinsipləri əsasında həllinə tərəfdar olduğunu diqqətə çatdırıb.
Görüşdə ölkələrimiz arasında münasibətlərin, o cümlədən iqtisadi sahədə əməkdaşlığın perspektivləri barədə fikir mübadiləsi aparılıb.

Paylaş:
Baxılıb: 796 dəfə

Xəbər lenti

Hamısına bax

Mədəniyyət

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31