Heydər Əliyev
yeni azerbaycan logo

Ana səhifə / Siyasət / BMT-nin İnsan Hüquqları Şurasının nümayəndə heyəti Ümummilli lider Heydər Əliyevin məzarını və Şəhidlər xiyabanını ziyarət edib

BMT-nin İnsan Hüquqları Şurasının nümayəndə heyəti Ümummilli lider Heydər Əliyevin məzarını və Şəhidlər xiyabanını ziyarət edib

20.05.2014 [09:01]

BMT-nin İnsan Hüquqları Şurasının (İHŞ) məcburi köçkünlərin insan hüquqları üzrə xüsusi məruzəçisi Çaloka Beyaninin başçılığı ilə Azərbaycanda səfərdə olan BMT İHŞ-in nümayəndə heyəti mayın 19-da Fəxri xiyabana gələrək, xalqımızın Ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini anıb, məzarı önünə əklil qoyub.
Görkəmli oftalmoloq alim, akademik Zərifə xanım Əliyevanın da xatirəsi anılıb, məzarı üzərinə güllər qoyulub.
Sonra qonaqlar Şəhidlər xiyabanına gələrək, ölkəmizin azadlığı və suverenliyi uğrunda canlarından keçmiş qəhrəman Vətən övladlarının xatirəsini anıb, məzarları üzərinə tər çiçəklər düzüb və “Əbədi məşəl” abidəsinin qarşısına əklil qoyublar.
Bakının ən hündür nöqtəsindən Azərbaycan paytaxtının mənzərəsini seyr edən qonaqlara Şəhidlər xiyabanının tarixi və şəhərdə həyata keçirilən abadlıq və quruculuq işləri barədə ətraflı məlumat verilib.
Çaloka Beyani jurnalistlərə müsahibəsində deyib ki, səfər Azərbaycanda məcburi köçkünlərin vəziyyətini öyrənmək məqsədi daşıyır.
Ç.Beyani səfər müddətində Bakıda və Sumqayıtda yaşayan məcburi köçkünlərə baş çəkəcək, paytaxtın Binəqədi və Abşeron rayonlarında, habelə Ağdam rayonunda onlar üçün inşa edilmiş qəsəbələrə gedəcək.
BMT nümayəndəsi, həmçinin, Azərbaycan hökumətinin, yerli icra hakimiyyəti orqanlarının və vətəndaş cəmiyyətinin nümayəndələri ilə də görüşəcək.

Paylaş:
Baxılıb: 732 dəfə

Xəbər lenti

Hamısına bax

Mədəniyyət

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31