Nərimanov rayonunda seçkilər demokratik şəraitdə keçirilib

Bakı:

25 °C

56 %

6 m/s

Əlaqə

AZ RU EN

Ana səhifə / Siyasət / Nərimanov rayonunda seçkilər demokratik şəraitdə keçirilib

Nərimanov rayonunda seçkilər demokratik şəraitdə keçirilib

24.12.2014 [09:59]

23 dekabr - bələdiyyə seçkiləri seçicilərin fəallığı ilə keçirilib. Vətəndaşlar ölkəmizin gələcəyinə laqeyd qalmayaraq öz səslərinin həlledici olduğunu və bələdiyyələrin formalaşmasında mühüm rol oynadığını birmənalı şəkildə bütün dünyaya nümayiş etdiriblər.
Seçici fəallığı Nərimanov rayonunda da yüksək idi. Qeyd edək ki, Nərimanov rayonunda 3 Seçki Dairəsi fəaliyyət göstərir. 18 saylı Nərimanov-Nizami Seçki Dairəsi üzrə 16 məntəqədə 20 min 580 seçici, 19 saylı Nərimanov birinci Seçki Dairəsi üzrə 35 məntəqədə 45 min 342 seçici, 20 saylı Nərimanov ikinci Seçki Dairəsində isə 33 məntəqədə 44 min 210 seçici qeydiyyatdadır. Yeni Azərbaycan Partiyası (YAP) Nərimanov rayon təşkilatının sədri Təmraz Tağıyev bildirib ki, Nərimanov rayon bələdiyyəsi 19 üzvdən ibarətdir. Bu səbəbdən də YAP tərəfindən bələdiyyəyə 19 nəfərin namizədliyi irəli sürülüb. Diqqətçəkən odur ki, namizədlər arasında gənclər və qadınlara üstünlük verilib. Belə ki, namizədlərin 11 nəfəri gənc, 6-sı isə qadındır.
T.Tağıyev səsvermənin gedişi ilə bağlı gün ərzində bütün məntəqələrdən məlumat aldıqlarını bildirib. O, qeyd edib ki, qanunvericiliyə uyğun olaraq rayondakı bütün dairə və məntəqələrə nümayəndələr, müşahidəçilər təqdim olunub: “Nümayəndələrimizdən aldığımız məlumatlara görə, səsvermə prosesində qanun pozuntuları aşkar olunmayıb. Proses qanun çərçivəsində başa çatıb. Rayonun ərazisində seçkiləri çoxsaylı müşahidəçilər izləyiblər”.
18 saylı Nərimanov-Nizami Seçki Dairəsinin 4 və 5 saylı seçki məntəqəsində də seçicilərin aktivliyi müşahidə olunub. 4 saylı seçki məntəqəsinin sədri Ərşad Məmmədov bildirib ki, məntəqə üzrə 1420 seçici var: “Məntəqədə 8 kabinə, 2 seçki qutusu və 1 ədəd veb-kamera quraşdırılıb”.
5 saylı seçki məntəqəsinin sədri Nazilə Məmmədova isə deyib ki, günortaya kimi seçkilərin əksəriyyəti məntəqələrə gələrək öz namizədlərinə səs veriblər: “Seçicilərin öz siyasi iradələrini ifadə etməsi üçün bütün imkanlar yaradılıb”.
Seçicilərdən Afət Əsədova hesab edir ki, uğurlu gələcək naminə bu seçkilərə getmək vacibdir. Şəlalə Heydərova da Yeni Azərbaycan Partiyasının namizədlərinə səs verdiyini bildirib.
Səsvermənin gedişini müşahidə edən Sevinc Namazova hər hansı qanun pozuntusuna rast gəlmədiyini bildirib: “Səsvermənin gedişində heç bir qanun pozuntusuna rast gəlməmişəm. Seçicilərin normal səs verməsi üçün tam şərait yaradılıb. Bu fakt onu göstərir ki, Azərbaycanda ildən-ilə seçki təcrübəsi təkmilləşir, müasir seçki texnologiyalarından səmərəli istifadə olunur”.
Digər müşahidəçilər Nərminə Cavadova və Günel Həsənova da səsvermənin təşkilindən razılıq ifadə ediblər. Onların fikrincə, seçkilərin tam qanunauyğun şəkildə keçirilməsi onu göstərir ki, ölkəmizdəki seçkilər, səsvermə prosesi beynəlxalq standartlara cavab verir.
Nardar BAYRAMLI

Paylaş:

Baxılıb: 704 dəfə