Heydər Əliyev
yeni azerbaycan logo

Ana səhifə / Siyasət / Bakıda Vyetnam ictimaiyyətinin nümayəndələri ilə görüş keçirilib

Bakıda Vyetnam ictimaiyyətinin nümayəndələri ilə görüş keçirilib

16.05.2015 [12:08]

Mayın 15-də Vyetnam Sosialist Respublikasının Prezidenti Çıonq Tan Şanq Azərbaycana rəsmi səfəri çərçivəsində Bakıda Vyetnam ictimaiyyətinin nümayəndələri ilə görüşüb.
Görüşdə ölkəmizdə yaşayan, müxtəlif şirkət və təşkilatlarda çalışan, respublikamızın ali məktəblərində təhsil alan vyetnamlılar iştirak ediblər.
Prezident Çıonq Tan Şanqa ölkələrimiz arasında müxtəlif sahələrdə əməkdaşlığın inkişafına, humanitar əlaqələrin genişləndirilməsinə dair məlumat verilib.
Görüşdə Vyetnam ictimaiyyətinin nümayəndələri dövlət başçısına Azərbaycandakı fəaliyyətləri, çalışdıqları sahələr, təhsil aldıqları müəssisələr barədə məlumat veriblər, ölkəmizdə onlar üçün yaradılan şəraitdən, tolerantlıq mühitindən və xalqımızın qonaqpərvərliyindən bəhs ediblər.
Prezident Çıonq Tan Şanq Azərbaycan Prezidenti İlham Əliyevlə səmimi görüşləri və səmərəli danışıqlarından, ölkələrimiz arasında sürətlə inkişaf edən və zəngin ənənələrə malik dostluq münasibətlərindən, əməkdaşlığın daha da genişləndirilməsi üçün mövcud olan böyük potensialdan, bu istiqamətdə aparılan işlərdən söhbət açıb.
Vyetnam ictimaiyyəti nümayəndələrinin ölkələrimiz arasında münasibətlərin möhkəmləndirilməsinə böyük töhfə verdiklərini qeyd edən Prezident Çıonq Tan Şanq onlara daha əzmlə çalışmaq, tələbələrə isə daha yaxşı təhsil almaq barədə tövsiyələrini verib.
Sonda qarşılıqlı xatirə hədiyyələri təqdim edilib və birgə foto çəkdirilib.

Paylaş:
Baxılıb: 562 dəfə

Xəbər lenti

Hamısına bax

İqtisadiyyat

Sosial

Ədəbiyyat

Ədəbiyyat

Dialoqlar

16 May 08:50

Ədəbiyyat

Şənbə üçün nəzm

16 May 08:33  

Ədəbiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31