Soyqırımı qurbanlarının xatirəsi yad edilib

Bakı:

2 °C

75 %

6 m/s

Əlaqə

AZ RU EN

Ana səhifə / Siyasət / Soyqırımı qurbanlarının xatirəsi yad edilib

Soyqırımı qurbanlarının xatirəsi yad edilib

01.04.2009 [11:52]

31 mart Azərbaycan xalqının soyqırımı günüdür. Bu günü anmaq üçün ölkənin bütün bölgələrində tədbirlər keçirilir, soyqırım günü erməni millətçiləri tərəfindən qətlə yetirilmiş insanların ruhuna dualar, soyqırımı törədənlərə isə lənətlər oxunur.
Dünən 31 mart soyqırımı günü münasibətilə Azərbaycanlıların və Türkdilli Xalqların Əməkdaşlıq Mərkəzi (ATXƏM) Fəxri Xiyabanda anım mərasimi keçirib. Tədbir iştirakçıları mart ayının 31-də Bakını erməni daşnaklarının işğalından müdafiə edərkən şəhid olmuş türk əsgərinin şərəfinə ucaldılmış abidənin önünə əklil qoyub, tər güllər düzüblər.
Prezidentin İcra Aparatının ictimai-siyasi şöbəsinin bölmə müdiri Qafar Əliyev söyləyib ki, “çox təəssüf ki, düşünülmüş şəkildə ermənilər tərəfindən zaman-zaman Azərbaycan xalqının başına gətirilən müsibətlər hələ də dünya ictimaiyyəti tərəfindən öz siyasi, hüquqi qiymətini tapmayıb. Lakin bunun əksi olaraq erməni xisləti dünya ictimaiyyətini aldadaraq, onların türklər tərəfindən soyqırımına məruz qaldıqlarını beynəlxalq aləmə sırımağa çalışırlar”.
Qafar Əliyev ermənilərin azəri türklərinə qarşı törətdikləri soyqırımının tarixi köklərindən danışıb və bu soyqırımının məhz üçüncü dövlətlər tərəfindən dəstəkləndiyini vurğulayıb. O, XX əsrin əvvəllərində ermənilərin azərbaycanlılara qarşı törətdikləri vəhşilikləri mərasim iştirakçılarının diqqətinə çatdırıb: “ötən əsrin əvvəllərində erməni daşnakları Azərbaycanın bütün bölgələrində, o cümlədən, şəhər və kəndlərində 50 mindən artıq dinc əhalini qətlə yetiriblər. Azərbaycan xalqına qarşı zorakılıq çar Rusiyasının dövründə, yəni I Pyotrun həyata keçirmək istədiyi qətllərin davamı kimi qiymətləndirilir”.
Keçirilmiş anım tədbirində Azərbaycanlıların və Türkdilli Xalqların Əməkdaşlıq Mərkəzinin (ATXƏM) sədri İlham İsmayılov da erməni millətçilərinin xalqımıza qarşı törətdiyi qeyri-insani faciələrdən danışıb. İ.İsmayılov bildirib ki: “XX əsrin əvvəllərində soyqırıma məruz qalan Azərbaycan xalqının yeganə ümid yeri qardaş Türkiyə dövləti olub. Həmin vaxt Anadolu türkləri azəri türklərinin başına gətirilən müsibətlərə biganə qala bilməzdilər. Azərbaycanlılıra qarşı törədilən soyqırımının qarşısını almaq üçün Nuru Paşanın xüsusi xidməti olub”.
Daha sonra anım mərasimində iştirak edən Türkiyədən gəlmiş qonaqlar da 31 mart soyqırımı ilə bağlı öz fikirlərini mərasim iştirakçılarına çatdırıblar.
RAMİL

Paylaş:

Baxılıb: 1222 dəfə