"Heydər Əliyev: Dövlət xalq üçündür" kitabı və digər nəşrlərin elektron variantları təqdim olunub

Bakı:

28 °C

59 %

9 m/s

AZ RU EN

Ana səhifə / Siyasət / "Heydər Əliyev: Dövlət xalq üçündür" kitabı və digər nəşrlərin elektron variantları təqdim olunub

"Heydər Əliyev: Dövlət xalq üçündür" kitabı və digər nəşrlərin elektron variantları təqdim olunub

06.05.2009 [17:25]

Dünən Prezident Kitabxanasında respublikanın hərbi prokuroru, ədliyyə general-leytenantı Xanlar Vəliyevin redaktorluğu ilə nəşr olunmuş “Heydər Əliyev və ordu quruculuğu”, “Heydər Əliyev və qanunçuluq”, “Heydər Əliyev dövlətçilik haqqında” və “Heydər Əliyev: Dövlət xalq üçündür” kitablarının elektron variantları və həmçinin “Heydər Əliyev: Dövlət xalq üçündür” kitabının təqdimat mərasimi keçirilib. Tədbiri giriş sözü ilə açan Prezident Kitabxanasının direktoru Mayıl Əhmədov bildirib ki, kitabda ulu öndərimiz Heydər Əliyevin irsi kontekstində siyasi-hüquqi, sosial-iqtisadi və mədəni-mənəvi həyatın aktual problemləri, eləcə də müdrik dövlət xadimi barəsində görkəmli şəxsiyyətlərin fikirləri öz əksini tapıb. Bu kitab siyasətçilər, elm adamları, eləcə də geniş oxucu auditoriyası üçün nəzərdə tutulub. Sonra hərbi prokurorluq tərəfindən hazırlanmış kitabların elektron variantlarının fotoslaydları nümayiş etdirilib. Baş prokurorun müavini, respublikanın hərbi prokuroru, ədliyyə general-leytenantı Xanlar Vəliyev görkəmli dövlət xadimi Heydər Əliyevin 1969-cu ildən başlayaraq müasir Azərbaycanın tarixindəki rolu, demokratik, hüquqi dövlət quruculuğu istiqamətində həyata keçirdiyi müdrik və uğurlu siyasət barədə ətraflı məlumat verib. Hərbi prokuror ulu öndərimizin siyasi rəhbərliyi dövründə Azərbaycanın inkişaf etmiş dünya dövlətləri sırasında özünə layiqli yer tutduğunu, aparılmış mütərəqqi islahatlar nəticəsində hüquqi və sivil bir dövlətə çevrildiyini, qanunçuluğun, ictimai-siyasi sabitliyin bərqərar edildiyini faktlarla əsaslandırıb.
Ulu öndər Heydər Əliyevin siyasi xəttinin layiqli davamçısı Prezident İlham Əliyevin respublikamızda hüquqi islahatları uğurla davam etdirdiyini vurğulayan hərbi prokuror, dövlətimizin başçısının Azərbaycanın inkişafı, ölkənin təhlükəsizliyinin, əmin-amanlığın qorunması istiqamətində gördüyü işlərdən bəhs edib.
Milli Məclisin deputatları Musa Quliyev, Havva Məmmədova, İlham Məmmədov və Əkrəm Abdullayev böyük zəhmət hesabına yazılmış kitabın Heydər Əliyev irsinin dərindən öyrənilməsi, onun gələcək nəsillərə çatdırılması yönündə mühüm əhəmiyyət daşıdığını bildirib, nəşrin xarici dillərə də tərcümə olunmasının zəruriliyini vurğulayıblar. Bildirilib ki, Respublika Hərbi Prokurorluğu tərəfindən hazırlanmış nəşrlər kitabxananın elektron saytına daxil edilib.

Paylaş:

Baxılıb: 1588 dəfə