"Gələcəyə sağlam addımlarla" layihəsinin icrasına başlanılıb

Bakı:

27 °C

49 %

3 m/s

Əlaqə

AZ RU EN

Ana səhifə / Siyasət / "Gələcəyə sağlam addımlarla" layihəsinin icrasına başlanılıb

"Gələcəyə sağlam addımlarla" layihəsinin icrasına başlanılıb

03.11.2009 [09:06]

Əsas məqsəd narkomaniyanın gənclər arasında yayılmasının qarşısını almaq üçün aparılan maarifləndirmə və təbliğat işlərini gücləndirməkdir
“Bizim Gənclik” İctimai Birliyi Gənclər və İdman Nazirliyi tərəfindən qrant şəklində qismən maliyyələşən “Gələcəyə sağlam addımlarla” layihəsinin icrasına başlayıb. Layihənin həyata keçirilməsində əsas məqsəd bütün bəşəriyyəti narahat edən narkomaniyanın cəmiyyətdə, xüsusən, gənclər arasında yayılmasının qarşısını almaq üçün aparılan maarifləndirmə, təbliğat işlərini gücləndirməkdən ibarətdir. Layihənin icrası zamanı gənclərin bu sahədə maariflənməsi onlar arasında narkomaniya və narkomaniyanı yayan vərdişlərə qarşı müqaviməti xeyli artıracaq, bu da ən əsası həm indiki, həm də gələcək nəsillərin sağlam cəmiyyətdə yetişmələri üçün həlledici rol oynayacaq.
İcra olunacaq layihənin əsasən, iki istiqamətdə olmaqla 3 ay müddətində həyata keçirilməsi nəzərdə tutulub. Birinci istiqamət üzrə ölkəmizdə fəaliyyət göstərən 5 ali təhsil ocağının (Bakı Dövlət Universiteti, Prezident Yanında İdarəçilik Akademiyası, Bakı Slavyan Universiteti, Azərbaycan Beynəlxalq Universiteti, Qafqaz Universiteti) hər birində 3 gün olmaqla, təxminən 30 gənci əhatə edəcək seminarlar təşkil olunacaq. Bu məqsədlə İşçi qrupu tərəfindən bir sıra təşkilati işlər görülüb. Seminarlarda narkomaniya əleyhinə istifadə olunacaq maarifləndirmə, təbliğat xarakterli metodoloji vəsaitlərin (posterlər, banerlər, bukletlər, qovluqlar və s.) hazırlanması prosesinə başlanılıb. Seminarlardan sonra qeyd olunan ali təhsil ocaqlarında aktiv gənclərin təmsil olunduğu 3 nəfərdən ibarət koordinasiya qrupları formalaşdırılacaq.
İkinci istiqamət üzrə narkomaniyanın yayılmasının qarşısının alınmasında mətbuatın rolunu qabartmaqla həyata keçirilən maarifləndirmə və təbliğat işlərində onun gücündən istifadə etmək, habelə mətbuatın problemə qarşı məsuliyyətinin artması üçün mətbuat nümayəndələri, mütəxəssislər və tanınmış ziyalıların iştirakı ilə “Narkomaniyaya qarşı mübarizədə KİV-in rolu” mövzusunda konfrans keçiriləcək. Bundan sonra əhalinin maariflənməsi üçün metrolarda kütləvi aksiyalar həyata keçiriləcək.
Layihənin icrası zamanı “Bizim Gənclik” İctimai Birliyi tərəfindən keçirilən bütün bu tədbirlərdə Avropa İttifaqı və BMT İnkişaf Proqramının “Cənubi Qafqazda Narkotiklərə Nəzarət” Regional Yardım Proqramının ölkə üzrə koordinatoru Məzahir Əfəndiyevin, habelə, aidiyyatı dövlət qurumlarını təmsil edən səlahiyyətli şəxslərin iştirakları razılaşdırılıb.
NADİR

Paylaş:

Baxılıb: 1237 dəfə