Konqresin qərarı ATƏT-in Minsk qrupunun həmsədri kimi ABŞ-ın ədalətli vasitəçi imicinə kölgə salır

Bakı:

-1 °C

86 %

2 m/s

AZ RU EN

Ana səhifə / Siyasət / Konqresin qərarı ATƏT-in Minsk qrupunun həmsədri kimi ABŞ-ın ədalətli vasitəçi imicinə kölgə salır

Konqresin qərarı ATƏT-in Minsk qrupunun həmsədri kimi ABŞ-ın ədalətli vasitəçi imicinə kölgə salır

19.12.2009 [22:10]

Azərbaycan xalqı ABŞ Konqresinin işğal altındakı nəzarətsiz ərazilərə maliyyə yardımı göstərməsini hərbi xuntalara və separatçı rejimlərə dəstək kimi qəbul edir
Məlumat verdiyimiz kimi, ABŞ Konqresinin Nümayəndələr Palatasının və Senatın 2010-cu ildə Ermənistana və Dağlıq Qarabağ ermənilərinə iqtisadi yardım paketini qəbul etməsi məsələsi Azərbaycan ictimaiyyətində təəssüf doğurmaqdadır. Azərbaycanın mediası hələ də bu məsələni müzakirə edir, müxtəlif QHT-lər, ictimai təşkilatlar bu məsələ ilə bağlı narahatlıqlarını ABŞ Prezidenti Barak Obamaya çatdırmaq üçün bəyanatlar qəbul edirlər. Tərxis Olunmuş Hərbçilərin Gəncləri Maarifləndirmə İctimai Birliyinin üzvləri adından Sədr Emin Həsənli də ABŞ Prezidenti cənab Barak Obamaya, ABŞ Senatına, ABŞ Konqresinin Nümayəndələr Palatasına, ABŞ Dövlət Departamentinə, ABŞ-ın Azərbaycandakı səfirliyinə müraciət ünvanlayıb. Müraciətdə deyilir: “Hörmətli xanımlar və cənablar, Biz Qarabağ müharibəsi veteranları ABŞ Konqresinin Dağlıq Qarabağdakı separatçı rejimə 8 milyon dollar məbləğində maliyyə yardımı ayırmasına etirazımızı bildiririk. Hesab edirik ki, Konqresin bu addımı Azərbaycanın ərazi bütövlüyünü tanıyan ABŞ dövlətinin rəsmi mövqeyi ilə bir araya sığmır. Azərbaycan 20 ilə yaxındır ki, erməni terror və təcavüzündən əziyyət çəkir. Ermənistanın deportasiya və etnik təmizləmə siyasəti nəticəsində Azərbaycanın 20 faiz ərazisi işğal olunmuş, 1 milyona yaxın azərbaycanlı doğma torpaqlarından qovularaq qaçqın və məcburi köçkün vəziyyətinə düşmüşdür. Bu gün Ermənistan Azərbaycan Respublikasının Dağlıq Qarabağ bölgəsində və ona bitişik 7 rayonunda separatçı rejimi dəstəkləməklə işğalçılıq siyasətini davam etdirir. Buna görə də ABŞ Konqresinin qondarma rejimə maliyyə yardımı göstərməsini yolverilməz hal hesab edirik. Konqresin bu addımı Azərbaycan Respublikasının Dağlıq Qarabağ üzərindəki suveren hüquqlarına hörmətsizlik deməkdir. ABŞ Dövlət Departamentinin bəyanatlarında və sənədlərində Azərbaycanın ərazi bütövlüyü dəstəkləndiyi halda Konqresin beynəlxalq birlik tərəfindən tanınmayan separatçı rejimə maliyyə yardımı göstərməsi başadüşülən deyil. Heç bir şübhə yoxdur ki, Konqresin bu qərarından sonra Ermənistan rəhbərliyi Dağlıq Qarabağ probleminin sülh yolu ilə tənzimlənməsi prosesinə maneçiliyini daha da gücləndirəcək. Azərbaycan xalqı ABŞ Konqresinin işğal altındakı nəzarətsiz ərazilərə maliyyə yardımı göstərməsini hərbi xuntalara və separatçı rejimlərə dəstək kimi qəbul edir. Biz hesab edirik ki, ABŞ Konqresinin bu qərarı ABŞ dövlətinin Azərbaycanla və ümumiyyətlə Cənubi Qafqazla bağlı geosiyasi maraqlarına ziddir, regionda sabitlik və təhlükəsizliyə, Dağlıq Qarabağ münaqişəsinin sülh yolu ilə aradan qaldırılması məsələsinə xələl gətirir. Konqresin bu qərarı ATƏT-in Minsk qrupunun həmsədri kimi ABŞ-ın ədalətli vasitəçi imicinə kölgə salır və Dağlıq Qarabağ münaqişəsinin sülh yolu ilə nizamlanmasına inamsızlıq yaradır. ümid edirik ki, ABŞ Prezidenti Barak Obama veto hüququndan istifadə edərək, Dağlıq Qarabağa maliyyə yardımı göstərilməsini məqsədəuyğun hesab etməyəcək, bununla da regionda sülhün və sabitliyin təmin olunmasına xələl gətirən addımların qarşısını alacaqdır”.

Paylaş:

Baxılıb: 1071 dəfə