Heydər Əliyev
yeni azerbaycan logo

Ana səhifə / Siyasət / Xocalı soyqırımı Gəncədə də anılıb

Xocalı soyqırımı Gəncədə də anılıb

24.02.2010 [09:30]

Dünən Yeni Azərbaycan Partiyasının (YAP) Gəncə şəhər təşkilatı Gənclər Birliyinin təşkilatçılığı ilə Xocalı soyqırımının 18-ci ildönümü ilə əlaqədar anım tədbiri keçirilib.
Tədbirdə Xocalı soyqırımı qurbanlarının xatirəsi yad olunub, sonra soyqırımına həsr edilmiş film nümayiş etdirilib. Tədbirdə çıxış edən YAP Gəncə şəhər təşkilatının sədri İsrafil İsmayılov bildirib ki, 1992-ci il fevralın 26-da ötən əsrin ən qanlı cinayətlərdən olan Xocalı soyqırımı törədilib: “Xocalı soyqırımı XX əsrin ən dəhşətli və ən qəddarcasına törədilmiş Xatın və digər faciələri ilə eyni səviyyədə durur”.
YAP Gəncə şəhər təşkilatı Gənclər Birliyinin sədri Ramil İbrahimov çıxışında bildirib ki, Azərbaycanın birinci xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, millət vəkili Mehriban xanım Əliyevanın, eləcə də ölkəmizin xarici dövlətlərdə fəaliyyət göstərən diplomatik korpuslarının təşkilatçılığı ilə xarici ölkələrdə “Xocalı harayı” devizi altında çoxsaylı tədbirlər həyata keçirilir.
Sonra çıxış edən YAP Gəncə şəhər təşkilatı Siyasi Şurasının üzvü, Gəncə Telekommunikasiya İdarəsinin rəisi Əli Hüseynov qeyd edib ki, Azərbaycan hökuməti Xocalı soyqırımı və bütövlükdə ermənilərin azərbaycanlılara qarşı törətdikləri vəhşiliklər haqqında həqiqətlərin olduğu kimi, bütün miqyası və dəhşətləri ilə dünya dövlətlərinə, parlamentlərinə, geniş ictimaiyyətə çatdırılması istiqamətində əməli fəaliyyət göstərir.
Sonda YAP Gəncə şəhər təşkilatı Gənclər Birliyi Xocalı soyqırımının 18-ci ildönümü ilə əlaqədar xarici ölkələrdəki gənclər təşkilatlarına müraciət ünvanlayıb.
Fazil İSMAYILOV
Paylaş:
Baxılıb: 1074 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30