Koronavirusdan qorunmaq üçün karantin rejiminin qaydalarına riayət olunmalıdır

Bakı:

25 °C

71 %

15 m/s

Əlaqə

AZ RU EN

Ana səhifə / Siyasət / Koronavirusdan qorunmaq üçün karantin rejiminin qaydalarına riayət olunmalıdır

Koronavirusdan qorunmaq üçün karantin rejiminin qaydalarına riayət olunmalıdır

15.08.2020 [00:56]

Ekspertlərin fikrincə, pandemiyanın qarşısının alınması həm də vətəndaşlarımızın bu məsələdə xüsusi həssaslıq nümayiş etdirməsindən və məsuliyyətli davranışlarından asılıdır

Yeni növ koronavirus (COVİD-19) infeksiyasının ölkəmizdə geniş yayılmasına qarşı həyata keçirilən effektiv və təxirəsalınmaz tədbirlər öz müsbət nəticəsini verib. Belə ki, artıq avqust ayından etibarən bu xəstəlikdən sağalanların sayı gündəlik yoluxma sayını bir neçə dəfə üstələyir. Təbii ki, əldə olunan bu nəticəni qoruyub saxlamaq, yoluxma sayının artmasına imkan verməmək üçün inzibati tədbirlərlə yanaşı vətəndaş məsuliyəti də ilkin şərtlərdəndir. Vətəndaşlar dərk etməlidirlər ki, pandemiyadan qorunmaq üçün əsas vasitələrdən sayılan tibbi maskalardan istifadə və sanitar-gigiyenik qaydalara riayət olunması bütün hallarda zəruridir.

Məsələ ilə bağlı fikirlərini bölüşən Milli Məclisin deputatı Anar Məmmədov bildirib ki, Azərbaycanda koronavirus infeksiyasına ilk yoluxma halı qeydə alındıqdan sonra ölkədə infeksiyanın geniş vüsət almasına imkan verməmək, infeksiyaya yoluxmanın sürətini azaltmaq, vətəndaşların sağlamlığını qorumaq üçün dövlət tərəfindən lazımi tədbirlər həyata keçirilib. Bununla yanaşı, qısa müddətdə 20-dən artıq xəstəxananın koronavirus xəstələrinin ixtiyarına verilməsi, o cümlədən yeni modul tipli xəstəxanaların açılması pandemiya ilə mübarizədə ölkəmizin həyata keçirdiyi mühüm tədbirlər sırasındadır: “Bütün görülən işlər virusla mübarizədə Azərbaycan dövlətinin vətəndaşının sağlamlığının qorunması istiqamətində həm qabaqlayıcı sosial izolyasiya tədbirləri, həm də pandemiyanın zərərlərindən az itki ilə çıxması istiqamətində həyata keçirdiyi çoxşaxəli Tədbirlər Planının tərkib hissəsidir. Ümumiyyətlə pandemiyanın qarşısının alınması həm də vətəndaşlarımızın bu məsələdə xüsusi həssaslıq nümayiş etdirməsindən və məsuliyyətli davranışlarından asılıdır. Vətəndaşlarımız karantin rejiminin tələblərinə riayət etməli, tibbi maskadan istifadə olunmalı və bütün sanitar-gigiyenik qaydalara əməl etməlidirlər. Bütün vətəndaşlarımızı sosial məsafəni qorumağa, maska taxmağa çağırıram”.

Milli Məclisin deputatı Ülviyyə Həmzəyeva isə Azərbaycan dövlətinin koronavirus pandemiyasına qarşı apardığı mübarizənin dünyaya nümunə olduğunu diqqətə çatdırıb. Onun sözlərinə görə, dövlətimiz vətəndaşların sağlamlıqlarının qorunması ilə bağlı mühüm tədbirlər həyata keçirib. O cümlədən iqtisadi sabitliyi təmin etmək üçün və məşğulluqla bağlı problemləri həll edərək, makroiqtisadi və maliyyə sabitliyinə nail olub: “Hazırda ölkəmizdə virusa yoluxanların sayı sürətlə azalır və sağalanların sayı getdikcə artmaqdadır. Təbii ki, bu proses dövlətimizin həyata keçirdiyi mühüm tədbirlərin uğurlu nəticəsidir. Avqust ayından etibarən xüsusi karantin rejiminin mərhələli şəkildə yumşaldılması ilə bağlı qərar isə vətəndaşlarımızda arxayınlıq yaratmamalıdır. İnsanlarımız daha ehtiyatlı davranmalı, diqqətli olmalıdır. Sosial məsafəni qorumaqla, tibbi-profilaktik qaydalara əməl etməklə özümüzü və digər insanları qorumuş olarıq”.

Pərviz SADAYOĞLU

Paylaş:

Baxılıb: 395 dəfə