Heydər Əliyev
yeni azerbaycan logo

Ana səhifə / Siyasət / Şimali Kipr Türk Cümhuriyyətinin Azərbaycandakı nümayəndəliyinin rəhbəri Növber Ferit Veçhi “Yeni Azərbaycan” qəzetinin redaksiyasında olub

Şimali Kipr Türk Cümhuriyyətinin Azərbaycandakı nümayəndəliyinin rəhbəri Növber Ferit Veçhi “Yeni Azərbaycan” qəzetinin redaksiyasında olub

28.08.2020 [09:12]

Avqustun 27-də Şimali Kipr Türk Cümhuriyyətinin (ŞKTC) Azərbaycandakı nümayəndəliyinin yeni rəhbəri Növber Ferit Veçhi “Yeni Azərbaycan” qəzetinin redaksiyasında olub.
“Yeni Azərbaycan” qəzetinin baş redaktoru, Milli Məclisin deputatı Hikmət Babaoğlu ilə görüşdə ölkəmiz haqqında xoş təəssüratlarını bölüşən Növber Ferit VeçhiAzərbaycanla ŞKTC arasında bir sıra sahələrdə əlaqələrin inkişafı istiqamətində mühüm işlərin görüldüyünü bildirib.
Şimali Kipr Türk Cümhuriyyətinin əsasən turizm və təhsil sektorunda əlaqələrin inkişafına xüsusi önəm verdiyini deyən Növber Ferit Veçhiölkəsində təhsil alan xarici tələbələrin arasında azərbaycanlı tələbələrin çoxluq təşkil etdiyini məmnunluqla bildirib. Növber Ferit Veçhi yaxın illərdə bu sayın daha da artması üçün lazımi işlərin görüləcəyini də vurğulayıb.
Öz növbəsində, “Yeni Azərbaycan” qəzetinin baş redaktoru, Milli Məclisin deputatı Hikmət Babaoğlu öncə Növber Ferit Veçhini ŞKTC-nin Azərbaycandakı nümayəndəliyinin rəhbəri vəzifəsinə təyin olunması münasibəti ilə təbrik edib və ona uğurlar arzulayıb.
Baş redaktor daha sonra ölkəmizdə Türkiyəyə, həmçinin Şimali Kipr Türk Cümhuriyyətinə xüsusi sevginin, hörmətin olduğunu deyib. Azərbaycanda Türk dünyası ilə əlaqələrin inkişafına xüsusi önəm verildiyini və bu mənada, mətbuatın vacib rol oynadığını bildirən Hikmət Babaoğlu “Yeni Azərbaycan” qəzetinin hər zaman Türk dünyası ilə bağlı məsələləri diqqətdə saxladığını qeyd edib.
Şimali Kipr Türk Cümhuriyyətinin Azərbaycandakı nümayəndəliyinin rəhbəri Növber Ferit Veçhisondasəmimi görüşə görəöz təşəkkürünü bildirib.
Xatırladaq ki, 1963-cü ildə Lefkoşada anadan olan Növber Ferit Veçhi bu vaxta kimi Şimali Kipr Türk Cümhuriyyətinin Xarici İşlər Nazirliyində bir sıra məsul vəzifələrdə çalışıb, həmçinin bir sıra xarici ölkədə ŞKTC-nin təmsilçisi olub. 2020-ci il 6 avqust tarixindən etibarən isə Növber xanım ŞKTC-nin Azərbaycandakı nümayəndəliyinin rəhbəri vəzifəsində işə başlayıb.

Paylaş:
Baxılıb: 453 dəfə

Xəbər lenti

Hamısına bax

Siyasət

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31