Azərbaycanda dəyəri 6 milyard dollar olan neft layihəsinə sanksiya verilib

Bakı:

29 °C

48 %

12 m/s

Əlaqə

AZ RU EN

Ana səhifə / Siyasət / Azərbaycanda dəyəri 6 milyard dollar olan neft layihəsinə sanksiya verilib

Azərbaycanda dəyəri 6 milyard dollar olan neft layihəsinə sanksiya verilib

10.03.2010 [10:34]

Dövlət Neft Şirkəti və “BP-Azərbaycan” çıraq Neft Layihəsi ilə bağlı anlaşma memorandumu imzalayıb
Dövlət Neft Şirkəti (ARDNŞ) və “BP-Azərbaycan” şirkəti dünən çıraq Neft Layihəsinə (çNL) sanksiya verilməsi ilə bağlı anlaşma memorandumu imzalayıb. Sənədi ARDNŞ prezidenti Rövnəq Abdullayev və “BP-Azərbaycan” şirkətinin prezidenti Rəşid Cavanşir imzalayıblar. Rövnəq Abdullayev bildirib ki, çıraq Neft Layihəsinə sanksiya verilməsi respublikamızın neft strategiyasının yeni mərhələyə qədəm qoymasının əyani təzahürü hesab oluna bilər. ümummilli lider Heydər Əliyevin əsasını qoyduğu neft strategiyasının zənginləşərək yeni mərhələdə daha da inkişaf etdiyini bildirən R.Abdullayev, Azərbaycanın xarici neft kampaniyaları ilə əməkdaşlığının dərinləşdirdiyini qeyd edib. Respublikamızda 14 ölkəyə məxsus 24 neft şirkətinin fəaliyyət göstərdiyini və son 15 ildə Azərbaycanın neft sektoruna 38 milyard dollar həcmində investisiya qoyulduğunu xatırladan ARDNŞ rəhbəri xarici kampaniyaların yeni sərmayə proqramları üzərində çalışdığını diqqətə çatdırıb.
Rövnəq Abdullayev daha sonra, Azərbaycanla sıx və uzunmüddətli əməkdaşlıq münasibətlərinə malik olan BP şirkəti ilə ARDNŞ-in birgə layihələri intensivləşdirmək qərarına gəldiyini də qeyd edib. Onun fikrincə, BP Xəzər akvatoriyasında yeni layihələrin istismarı üçün axtarış-kəşfiyyat işlərini daha da intensivləşdirib. çıraq Neft Layihəsi də məhz “BP-Azərbaycan” şirkəti ilə ARDNŞ-in həyata keçirəcəyi birgə layihənin ən mühüm komponenti hesab olunur. Eyni zamanda, çNL dəyərinə görə, ən böyük sərmayə layihəsidir. Rövnəq Abdullayev bildirib ki, yeni saziş “Əsrin müqaviləsi” çərçivəsində həyata keçirilən işlərin məntiqi davamı sayıla bilər. 6 milyard dollar dəyərində olan bu layihə çərçivəsində “çıraq” yatağından əlavə olaraq 360 milyon barel neft hasil olunacaq. Belə ki, “BP-Azərbaycan” “Azəri-çıraq-Günəşli” (AçG) yatağından hasil etdiyi neftlə bərabər, Dövlət Neft Şirkəti ilə birgə böyük həcmdə neftin hasilatı ilə məşğul olacaq. Onu da xatırladaq ki, indiyədək neft sektoruna yatırılmış 38 milyard dollar sərmayənin 20 milyardı AçG layihəsinin payına düşür. Bu o deməkdir ki, “Azəri-çıraq-Günəşli”nin bir komponenti olan “çıraq” yatağı da sərmayədarlar üçün mühüm əhəmiyyət daşıyır və yeni layihəyə start verilməsi də bunu təsdiq edir. R.Abdullayevin fikrincə, yeni layihəyə sanksiya verilməsi ölkəmizin dünya neft bazarında əsas təchizatçılardan biri kimi mövqeyinin daha da möhkəmlənməsinə səbəb olacaq.
“BP-Azərbaycan” şirkətinin prezidenti Rəşid Cavanşir bildirib ki, “çıraq” Neft Layihəsi üzrə işlər həyata keçirilərkən “Azəri-çıraq-Günəşli”də əldə olunmuş zəngin təcrübə və nailiyyətlərə istinad olunacaq. Hazırda AçG yatağından gün ərzində 850 min barel neft istehsal olunur və çıraq layihəsi istismara veriləndən sonra neft hasilatı gündəlik 1 milyon bareli ötəcək. Rəşid Cavanşir bildirib ki, çıraq Neft Layihəsi üzrə neftin hasilatı 2013-cü ilin sonlarında mümkün olacaq. 2014-cü ildə Azərbaycan ümumilikdə, “Azəri-çıraq-Günəşli” yatağından sutkada 1 milyon 100 min barelə yaxın neft hasil edəcək. Yeri gəlmişkən, layihə təkcə neft hasilatını nəzərdə tutmur, çNL üzrə səmt qazının da çıxarılması planlaşdırılır. Belə ki, çıraq yatağından həftə ərzində ən azı 6,4 milyon kubmetr qaz hasil olunacaq.
Layihənin tərəfdaşları 2013-cü ilin IV rübünə qədər dənizdə qazma qurğusunun, platformanın və ən son texnologiyaların quraşdırılmasını başa çatdırmağı nəzərdə tutur. Yeni layihə Xəzər akvatoriyasında neft hasilatı zamanı indiyədək istifadə olunmamış avadanlıqlar və texnologiyaların tətbiqi ilə də fərqlənəcək. Layihə həyata keçirilərkən yerli şirkətlərin, o cümlədən, “Azfen”, “Tekfen”, “Xəzərdənizdonanma”nın potensial imkanlarından və subpodrat şirkətlərin gücündən istifadə olunacaq. ümumiyyətlə, layihə ilə bağlı işlərə 50-dən artıq yerli şirkət cəlb olunacaq. Bu isə ölkəmizdə yeni iş yerlərinin yaradılması ilə bağlı siyasətə öz töhfəsini vermiş olacaq. ümumiyyətlə, çNL üzrə 1800-dən çox yeni iş yerinin yaradılması nəzərdə tutulur.
Elbrus CƏFƏRLİ

Paylaş:

Baxılıb: 1323 dəfə