Düşmən ölkədən Azərbaycana qarşı növbəti informasiya təxribatı

Bakı:

15 °C

94 %

2 m/s

Əlaqə

AZ RU EN

Ana səhifə / Siyasət / Düşmən ölkədən Azərbaycana qarşı növbəti informasiya təxribatı

Düşmən ölkədən Azərbaycana qarşı növbəti informasiya təxribatı

24.09.2020 [08:46]

Yaxud özünün işğalçı, cinayətkar və terrorçuluğa əsaslanan siyasətini ört-basdır etmək üçün müxtəlif vasitələrdən istifadə edən Ermənistan dezinformasiya yaymaqla məşğuldur
Artıq bütün dünyaya məlumdur ki, Ermənistan terror dövlətidir və öz siyasətində işğalçılığı, terrorçuluğu, faşist ideologiyasını əsas götürür. Bütün terrorçu partiya kimi tanınan “Daşnaksutyun”un müəyyən zaman kəsimində Ermənistan hökumətində təmsil olunması, həmçinin bu ölkədə terrorçulara və faşistlərə abidələr ucaldılması da deyilənləri təsdiqləyir. Üstəlik, terroru dövlət siyasətinə çevirən Ermənistanın işğal etdiyi Azərbaycan ərazilərini terror yuvasına çevirməsi də inkaredilməz faktdır. Son vaxtlar Ermənistan tərəfindən işğal edilmiş Azərbaycan torpaqlarına “erməni əsilli ailələr” adı altında Yaxın Şərq ölkələrindən, o cümlədən Livan, İraq və Suriyadan terrorçuların, hətta PKK yaraqlılarının gətirilməsi barədə faktlar da xarici və yerli mətbuatda yer alıb.
Yeri gəlmişkən, son günlər işğal edilmiş Dağlıq Qarabağ və ətraf 7 rayona İraq və Suriyadan PKK terrorçularının da gətirilməsi barədə xəbərlər Misir və Rusiya mətbuatında da öz əksini tapıb. Belə ki, Misirin nüfuzlu “Qahirə24” saytı və Rusiyanın “gazeta.ru” informasiya portalı Paşinyan hökumətinin terrorçularla işbirliyini ortaya qoyub. Məsələn, “Qahirə24.com” saytında dərc olunan məqalədə Ermənistanın bu ilin iyul ayında Azərbaycanın dövlət sərhədində törətdiyi təxribatdan sonra Yaxın Şərqdəki PKK terrorçularının işğal edilmiş ərazilərə gətirldiyindən söhbət açılır. Bildirilir ki, PKK terror təşkilatı və onun Suriyadakı qolu olan PYD-nin döyüşçüləri Ermənistana, oradan da işğal altındakı Dağlıq Qarabağa göndərilib.
Rusiyanın “gazeta.ru” portalındakı məqalədə isə qeyd edilir ki, Ermənistan Azərbaycanla danışıqlar prosesini pozaraq, yeni hərbi əməliyyatlarda Suriya və İraqdan gətirilən terrorçuları istifadə etmək məqsədi güdür. Müəllif vurğulayır ki, beynəlxalq ictimaiyyətin diqqətini öz fəaliyyətindən yayındırmaq üçün Ermənistan Azərbaycana hansısa muzdlu döyüşçülərin göndərdiyi iddiasını da ortaya atır.
Bəli, yuxarıdakı yazıda da vurğulandığı kimi, Ermənistan bu əməllərini ört-basdır etmək üçün müxtəlif yollara əl atır. Elə son dövrlər davamlı şəkildə guya Azərbaycana Suriyadan döyüşçülərin gəldiyi barədə dezinformasiyaların yayılması da düşmən ölkənin bu tip baş vurduğu əməllərdəndir. Lakin düşmənlərimizin bütün əməlləri kimi bu təxibatları da tez bir zamanda ifşa olunur. Daha dəqiq desək, sentyabrın 23-də türkiyəli jurnalist Ləvənt Kamalın paylaşdığı bu status Ermənistanın növbəti dezinformasiyasını ifşa edib: “Mən “Həmzə” divizionun komandiri Seyf əbu-Bəkirlə söhbət elədim və o, “Həmzə” briqadasının döyüşçülərinin Azərbaycana transferi barədə bütün iddiaları rədd etdi. Bunu, həmçinin Türkiyə Ordusuna bağlı mənbələr də rədd edib”.
Göründüyü kimi, bu statusda öz əksini tapan fikir Ermənistan tərəfinin, çox güman ki, düşmən ölkənin xüsusi xidmət orqanları əməkdaşlarının yaydığı informasiyanın “ağ yalan” olduğunu və Azərbaycanın nüfuzuna xələl gətirmək məqsədinin güdüldüyünü aydın göstərir.
Beləliklə, Azərbaycana xarici silahlı muzdlular göndərilməsi ilə bağlı tirajlanan məlumatların, əslində, düşmən ölkədən Azərbaycana qarşı növbəti informasiya təxribatı olduğu ortadadır. Yəni Ermənistan özünün işğalçı, cinayətkar və terrorçuluğa əsaslanan siyasətini ört-basdır etmək üçün müxtəlif vasitələrə, o cümlədən dezinformasiya və manipulyasiyalara əl atmaqdadır.
Qaşqay ZİYƏDDİNOĞLU

Paylaş:

Baxılıb: 333 dəfə