Mais Səfərli: Azərbaycan cəmiyyətinin möhkəm birliyi düşməni çox qorxudur

Bakı:

27 °C

65 %

17 m/s

Əlaqə

AZ RU EN

Ana səhifə / Siyasət / Mais Səfərli: Azərbaycan cəmiyyətinin möhkəm birliyi düşməni çox qorxudur

Mais Səfərli: Azərbaycan cəmiyyətinin möhkəm birliyi düşməni çox qorxudur

16.10.2020 [08:50]

“Humanitar atəşkəslə bağlı razılaşmanı pozan Ermənistan özünün təcavüzkar xislətinə sadiqdir. Moskvada əldə olunan razılaşmadan dərhal sonra mövqelərimizə hücum edildi, mülki əhalimiz, yaşayış məntəqələri raket hücumuna məruz qaldı. Bu, qəbul olunmazdır. Ona görə də, ordumuz haqlı olaraq düşmənə layiqli dərs verir”. Bu fikirləri Yurddaş Partiyasının sədri Mais Səfərli deyib.
M.Səfərli bildirib ki, Ermənistanın mülki insanları hədəfə alması Azərbaycan cəmiyyəti tərəfindən hiddətlə qarşılanır. Hazırkı şəraitdə Azərbaycanda milli birliyin və həmrəyliyin nümayiş etdirilməsi son dərəcə vacibdir. Onun sözlərinə görə, son zamanlar aparılan mühüm islahatların nəticəsidir ki, bu gün ölkədə fəaliyyət göstərən siyasi partiyalar ümummilli məsələdə vahid mövqedən çıxış edir: “Ölkədə həyata keçirilən islahatların mühüm istiqamətlərindən biri siyasi islahatlardır. Partiyalar arasında dialoq uğurla davam edir. Prezident Administrasiyasında yeni yaradılmış Siyasi partiyalar və qanunvericilik hakimiyyəti ilə əlaqələr şöbəsi bu dialoqu aparır. Kiçik istisnalarla Azərbaycanda fəaliyyət göstərən siyasi arenanın bütün iştirakçıları bu dialoqda uğurla iştirak edirlər. Dialoqun nəticəsi kimi ölkədə hakimiyyətlə siyasi seqmentin iştirakçıları arasında çox normal münasibətlər var. Ümummilli məsələlərdə isə birlik var. Hələ iyul ayında Ermənistan Tovuz rayonu istiqamətində hərbi təxribat törədərkən 40-dan çox partiya ölkə Prezidenti, Ali Baş Komandan İlham Əliyevin ətrafında birləşdiyini təsdiqləyən birgə bəyanat imzaladı. İndi isə sentyabrın 27-də ermənilərin növbəti hücumu zamanı 50 partiya birgə bəyanat imzalayaraq yenə də Ali Baş Komandanın yanında olduğunu nümayiş etdirdi və bu gün də eyni mövqedəyik. Ermənistanın və düşmənlərimizin havadarlarının ən çox qorxduqları Azərbaycandakı milli birlikdir. Yəni Prezident, ordu, xalq birliyi, o cümlədən siyasi təşkilatların həmrəyliyi düşmənlərimizi çox qorxudur”.
Partiya sədri onu da söyləyib ki, oktyabrın 3-də 50 siyasi partiya rəhbərinin iştirakı ilə “Milli həmrəylik - siyasi dialoqun nəticəsi” adlı videokonfrans formatında keçirilən görüş də çox böyük əhəmiyyətə malikdir: “Görüşdə iştirak edən partiya rəhbərlərinin hamısı bəyan etdi ki, Prezident, Ali Baş Komandan İlham Əliyevin ətrafında sıx birləşmişik. Bu hadisə böyük rezonans yaradıb. Görüş dünya mətbuatında da geniş işıqlandırıldı, hətta manşetlərə də çıxarıldı. Bu gün ordumuzun cəbhədə inamla irəliləməsinin səbəblərindən biri də odur ki, hərbçilərimiz arxa cəbhədə güclü birliyin olmasından əmindirlər. Xalqımız, o cümlədən siyasi təşkilatlar, vətəndaş cəmiyyəti ordu və Prezidentin ətrafında sıx birləşib. Bu gün biz yumruq kimi birləşmişik. Bu, indiki mərhələdə çox vacib amildir”.
NARDAR

Paylaş:

Baxılıb: 401 dəfə