Pərvin Kərimzadə: Ali Baş Komandan İlham Əliyevin rəhbərliyi ilə Azərbaycan Ordusu düşmən tapdağında olan torpaqlarımızı azad edəcək

Bakı:

31 °C

34 %

2 m/s

AZ RU EN

Ana səhifə / Siyasət / Pərvin Kərimzadə: Ali Baş Komandan İlham Əliyevin rəhbərliyi ilə Azərbaycan Ordusu düşmən tapdağında olan torpaqlarımızı azad edəcək

Pərvin Kərimzadə: Ali Baş Komandan İlham Əliyevin rəhbərliyi ilə Azərbaycan Ordusu düşmən tapdağında olan torpaqlarımızı azad edəcək

16.10.2020 [08:56]

“Azərbaycan ərazisinin 20 faizini işğal edərək 1 milyondan çox vətəndaşımızı öz doğma yurdundan didərgin salan faşist niyyətli ermənilər bir çox beynəlxalq təşkilatların çağırışlarına, BMT Təhlükəsizlik Şurasının məlum qətnamələrinə məhəl qoymayaraq, hələ də işğalçı mövqelərində qalırlar. Günahsız uşaqları hədəfə alan, evlərini yerlə-yeksan edən, dinc əhalini qətlə yetirən işğalçı Ermənistan layiq olduğu cavabı alır və alacaq. Çünki Azərbaycan Ordusu Ermənistanın işğalçılıq siyasətinə son qoymaq üçün döyüşür. Ali Baş Komandan İlham Əliyevin rəhbərliyi ilə Azərbaycan Ordusu düşmən tapdağında olan torpaqlarımızı azad edəcək. Əminik ki, Azərbaycan haqq mübarizəsində tezliklə qalib olacaq”.
Bunu Milli Məclisin deputatı Pərvin Kərimzadə deyib.
“Ermənistan humanitar atəşkəsin prinsiplərinə riayət etmədiyini, yenidən düşmənçilik və təcavüzkarlıq siyasətini davam etdirdiyini hər addımında təsdiqləyir. Humanitar atəşkəsin elan olunmasından 14 saat sonra, Gəncə və Mingəçevir şəhərlərinin işğalçı dövlət tərəfindən yenidən raket hücumuna məruz qalması artıq qırmızı xətti keçmək deməkdir. Həm də raket hücumları Ermənistan ərazisindən, o cümlədən Gorus, Sisian, Vardenis, Cermuk və Berd şəhərlərindən həyata keçirilirsə, bu, bütün regionda sülh və sabitliyə ciddi təhlükədir”, - deyə deputat bildirib.
Deputat qeyd edib ki, Azərbaycan ilə Ermənistan arasında humanitar əsasda atəşkəs elan edilməsinə baxmayaraq, işğalçı Ermənistanın silahlı qüvvələri beynəlxalq hüququn norma və prinsiplərini, habelə 1949-cu il tarixli Cenevrə konvensiyalarını və onların əlavə protokollarını pozaraq dinc sakinlərimizi bilərəkdən hədəfə almaqda davam edir: “Ermənistan tərəfi öz riyakar xislətinə və təcavüzkar mahiyyətinə uyğun olaraq Azərbaycanın həm cəbhəboyu rayon və kəndlərini, həm də cəbhədən uzaqda yerləşən şəhərlərini ağır artilleriya və raket atəşinə tutur. Ən acınacaqlısı isə odur ki, Azərbaycanın ikinci ən böyük şəhəri olan, 500 mindən çox əhalinin yaşadığı və cəbhə xəttindən uzaqda yerləşən Gəncə erməni vandalları tərəfindən raket və artilleriya atəşinə məruz qalır, dinc sakinlər həlak olur”.
Deputat qeyd edib ki, bütün bunlara baxmayaraq, torpaqlarımızın işğaldan azad edilməsi uğrunda aparılan Vətən müharibəsində zəfər əldə edilməsi üçün Azərbaycan xalqının birlik nümayiş etdirməsi vacibdir: “Düşmənin mülki əhalini və infrastrukturu məqsədyönlü şəkildə hədəfə almasında məqsəd dinc sakinləri təşvişə salmaqdır. Əminliklə deyə bilərik ki, avantürist erməni hakimiyyəti məqsədinə çata, Azərbaycan xalqında, həmçinin Gəncə sakinlərində heç bir təşviş yarada bilmədi. Xalqımız, o cümlədən bütün gəncəlilər düşmən terrorundan, təxribatından çəkinmədən öz işinə davam edir, şanlı ordumuzun uğurlarından daha da ruhlanırlar”.
Qaşqay ZİYƏDDİNOĞLU

Paylaş:

Baxılıb: 355 dəfə