Tahir Rzayev: İnanırıq ki, çox yaxın zamanda Ali Baş Komandanımızın rəhbərliyi ilə işğal altındakı bütün ərazilərimizə Azərbaycanın üçrəngli bayrağı sancılacaq

Bakı:

31 °C

36 %

1 m/s

AZ RU EN

Ana səhifə / Siyasət / Tahir Rzayev: İnanırıq ki, çox yaxın zamanda Ali Baş Komandanımızın rəhbərliyi ilə işğal altındakı bütün ərazilərimizə Azərbaycanın üçrəngli bayrağı sancılacaq

Tahir Rzayev: İnanırıq ki, çox yaxın zamanda Ali Baş Komandanımızın rəhbərliyi ilə işğal altındakı bütün ərazilərimizə Azərbaycanın üçrəngli bayrağı sancılacaq

20.10.2020 [09:29]

“Ermənistanın ölkəmizə qarşı apardığı təcavüzkar siyasət ortadadır. Bu gün beynəlxalq aləm, qonşu dövlətlər anlayırlar ki, işğalçı siyasət yürüdən Ermənistan bölgədə sülhün və inkişafın formalaşmasına ən böyük təhdiddir. 30 il ərzində sülh danışıqlarını, yalnız imitasiya edən təcavüzkar dövlət hələ iyul ayında Ermənistan-Azərbaycan dövlət sərhədində hərbi təxribatlar törətdiyi dövrdə yeni torpaqlar işğal etmək arzusunda olduğunu gizlətməmişdi. Belə olan halda, Azərbaycanın ərazi bütövlüyünü təmin etmək, işğal altındakı əraziləri azad etmək uğrunda apardığı mübarizəyə dəstək verilməli, Ermənistan dövlətinin apardığı və faşizmə söykənən dövlət siyasəti açıq kontekstdə tənqid olunmalı, təcavüzkar dövlətə qarşı sanksiyalar tətbiq edilməlidir”.
Bunu qəzetimizə açıqlamasında Milli Məclisin Aqrar Siyasət Komitəsinin sədri Tahir Rzayev deyib. Onun sözlərinə görə, mülki vətəndaşları, dinc əhalini hədəfə alan Ermənistan bir daha mənfur xislətini bütün dünyaya nümayiş etdirdi. Komitə sədri onu da qeyd edib ki, Moskva şəhərində humanitar atəşkəslə bağlı razılaşmanın ardından Gəncə şəhərinə edilən raket hücumu müharibə cinayəti, soyqırımı faktıdır. Orada həlak olan insanlar Ermənistan hakimiyyətinin apardığı siyasətin qurbanlarıdır: “Bu gün Azərbaycan cəmiyyəti vahid düşmənə qarşı birlik nümayiş etdirir. Ölkəmizdə bütün siyasi qüvvələr Azərbaycan dövlətinin, Ali Baş Komandanımızın apardığı siyasəti dəstəkləyir. Bu birlik cəbhədə düşmənə qarşı vuruşan ordumuzun ruh yüksəkliyinin daha da artmasında müstəsna rola malikdir. Əsgərimiz arxada sabitliyin hökm sürdüyünü, milli birliyin formalaşdığını görür və düşmənə qarşı daha mübariz formada döyüşür. Ermənistan anlamalıdır ki, artıq Azərbaycan 1990-cı illərin əvvəlindəki dövlət deyil. Bu gün Prezident İlham Əliyevin aparıdığı uğurlu xarici siyasət ölkəmizin dünya miqyasında tanınmasını, ölkəmizin haqq səsinin eşidilməsini təmin edib. Sentyabrın 27-dən başlayaraq ölkə Prezidenti dünyanın bir sıra aparıcı mətbuat orqanlarına, televiziyalarına müsahibələr verib və Ermənistanın apardığı təcavüzkar siyasətin iç üzünü açıb. Ermənistan müharibədə uduzduğu kimi artıq informasiya müharibəsində də Azərbaycana uduzur. Ordumuzun əldə etdiyi qələbə isə insanlarımızda böyük ruh yüksəkliyi yaradıb. Bu gün hər kəs bir amal uğrunda birləşib - Azəbaycanın ərazi bütövlüyü təmin olunmalıdır. İnanırıq ki, çox yaxın zamanda Ali Baş Komandanımızın rəhbərliyi ilə işğal altındakı bütün ərazilərimizə Azərbaycanın üçrəngli bayrağı sancılacaq və qələbə təmin ediləcək”.
P.SADAYOĞLU

Paylaş:

Baxılıb: 384 dəfə