Müşfiq Məmmədli: Bərdə şəhərinə qarşı “Smerç” tipli raketlərlə edilən hücum birmənalı şəkildə hərbi cinayətdir və bu, beynəlxalq təşkilatlar tərəfindən də təsdiqlənir

Bakı:

31 °C

43 %

4 m/s

AZ RU EN

Ana səhifə / Siyasət / Müşfiq Məmmədli: Bərdə şəhərinə qarşı “Smerç” tipli raketlərlə edilən hücum birmənalı şəkildə hərbi cinayətdir və bu, beynəlxalq təşkilatlar tərəfindən də təsdiqlənir

Müşfiq Məmmədli: Bərdə şəhərinə qarşı “Smerç” tipli raketlərlə edilən hücum birmənalı şəkildə hərbi cinayətdir və bu, beynəlxalq təşkilatlar tərəfindən də təsdiqlənir

06.11.2020 [09:15]

“Ermənistan-Azərbaycan Dağlıq Qarabağ münaqişəsinin həlli prosesində hər zaman beynəlxalq hüququn prinsiplərini əsas götürən ölkəmiz illərdir ki, sülh danışıqlarına sadiqlik nümayiş etdirib. Təəssüf ki, ötən 27 il ərzində Ermənistan tərəfi Azərbaycanın bu mövqeyini düzgün dəyərləndirmədi. Nəticə etibarilə bu gün Azərbaycan beynəlxalq hüququn prinsiplərini əsas götürərək öz ərazi bütövlüyünü təmin edir. Dünənə qədər Azərbaycanla şərt dilində danışmağa çalışan, özünü “qalib” statusunda görən Ermənistan artıq xarici dövlətlərdən, təşkilatlardan imdad diləyir. Sentyabr ayının 27-də işğalçı ölkənin növbəti hərbi təxribatlarına cavab olaraq başlanılan əks-hücum əməliyyatları nəticəsində bir sıra torpaqlarımız işğaldan azad edilib. Bu gün Azərbaycan tarixinin növbəti şanlı günləri yaşanmaqdadır və Azərbaycan Ordusunun cəbhədəki uğurları əsgərlərimizin göstərdiyi döyüş şücaəti, qətiyyəti, məğrurluğu hər birimizi sevindirir”.
Bu fikirləri qəzetimizə açıqlamasında Milli Məclisin deputatı Müşfiq Məmmədli deyib. Onun sözlərinə görə, məğlubiyyətə uğrayan işğalçı Ermənistan günahsız insanlara, dinc sakinlərə qarşı terror həyata keçirməklə məğlubiyyətini kompensasiya etməyə çalışır. Millət vəkili qeyd edib ki, qadağan edilmiş silahlarla Bərdə şəhərinə olunan hücum beynəlxalq hüququn norma və prinsiplərinə, Cenevrə Konvensiyasının tələblərinə ziddir və Ermənistan növbəti müharibə cinayətini törətdi. “Bərdə şəhərinə qarşı “Smerç” tipli raketlərlə edilən hücum birmənalı şəkildə hərbi cinayətdir və bu, beynəlxalq təşkilatlar tərəfindən də təsdiqlənir. Bu təcavüz nəticəsində müharibə zonasından kənarda yaşayan günahsız körpələr qətlə yetirilib və Ermənistanın hərbi-siyasi hakimiyyəti bunun məsuliyyətini daşıyacaq. Bu gün dünyanın aparıcı media orqanları, televiziyaları Bərdədə baş verənləri yayımlayır və Azərbaycanın haqlı mövqeyini dəstəkləyir. Cənab Prezidentimizin xarici KİV-lərə müsahibələri Ermənistanın iç üzünü açmaqla yanaşı, Azərbaycanın haqlı mövqeyinin dəstəklənməsini də şərtləndirir. Bu gün Azərbaycan cəmiyyəti bir nəfər kimi Prezidentimiz, Ali Baş Komandan cənab İlham Əliyevi və ordumuzu dəstəkləyir. Dövlət başçısının çıxışlarında qeyd edildiyi kimi, biz bu torpaqlara qayıdacağıq və ərazi bütövlüyümüzü bərpa edəcəyik. Qələbə bizimlədir. Qarabağ Azərbaycandır!”.
PƏRVİZ

Paylaş:

Baxılıb: 527 dəfə