Fazil Mustafa: Cənab Prezident bütün məsələlərdə xalqın iradəsinə əsaslanır, bütün addımları xalqın istəyinə uyğun şəkildə atır

Bakı:

26 °C

61 %

10 m/s

AZ RU EN

Ana səhifə / Siyasət / Fazil Mustafa: Cənab Prezident bütün məsələlərdə xalqın iradəsinə əsaslanır, bütün addımları xalqın istəyinə uyğun şəkildə atır

Fazil Mustafa: Cənab Prezident bütün məsələlərdə xalqın iradəsinə əsaslanır, bütün addımları xalqın istəyinə uyğun şəkildə atır

06.11.2020 [09:17]

“Son hadisələr, Dağlıq Qarabağda gedən döyüşlər, eləcə də beynəlxalq müstəvidə baş verənlər bir daha Azərbaycana qarşı olan çevrələrin nə qədər məğlubiyyət duyğusu yaşadığını göstərir. Ölkəmizə qarşı olan qüvvələrin təzyiqləri artdıqca Azərbaycan xalqının iradəsi daha da möhkəmlənir. Bunun da əsas ilhamverici qüvvəsi ölkə Prezidenti cənab İlham Əliyevdir. Ölkə başçısının hər bir çıxışı, məsələlərə yanaşması Azərbaycan cəmiyyətinin iradəsini əks etdirir. Diqqət etsək, yeni situasiyalar cənab Prezidentin nə qədər çevik qərarlar qəbul etməyə hazır olduğunu göstərir. Beynəlxalq jurnalistikanın ən aparıcı nümayəndələrinin belə xarici dövlətlərin mətbəxində hazırlanan sualları yüksəkməntiqli, çevik və konseptual şəkildə cavablandırılır və buna qarşı hansısa arqument səsləndirə bilmirlər. Hansı ki, həmin jurnalistlər Paşinyanla müsahibələrdə boşluqları hiss edib ondan istifadə edirlər. Bu, cənab Prezidentin nə qədər yüksək səviyyədə diplomatik hazırlığının olmasının göstəricisidir”.
Bunu qəzetimizə açıqlamasında Böyük Quruluş Partiyasının sədri, Milli Məclisin deputatı Fazil Mustafa deyib. Onun sözlərinə görə, bu gün Ermənistan daha çox dalana sıxışdıqca mülki insanları hədəfə alır, münaqişəni daha fərqli istiqamətlərə çəkmək istəyir.
Partiya sədri qeyd edib ki, Azərbaycan ordusu hədəfini bilir və öz hədəfinə doğru irəliləyir. Qarşıdakı günlərdə daha böyük uğurlara imza atacağımızdan əminik. “Ölkəmizdə milli birliyin güclənməsi isə bizim ən böyük uğurlarımızdandır. Bu həmrəyliyin yaranmasında əsas səbəb prosesin xalqla açıq dialoq şəklində yönləndirilməsidir. Cənab Prezident bütün məsələlərdə xalqın iradəsinə əsaslanır, bütün addımları xalqın istəyinə uyğun şəkildə atır. Dövlət başçısının çıxışlarında “mənim bu ifadəm xalqın xoşuna gəlir” deməsi xalqdan hansı impulsların alındığının göstəricisidir. Bu məsələdə həmrəylik əsas əhəmiyyət daşıyır və biz mübarizəmizi bu istiqamətdə daha da irəli apara bilərik”, - deyə vurğulayan F.Mustafa ATƏT-in Minsk qrupunun fəaliyyətinə də toxunub. O bildirib ki, bu ölkələrin Azərbaycan torpaqlarının qaytarılmasında, işğaldan azad ediməsində marağı yoxdur. Onlar öz dövlət maraqlarından çıxış edirlər. Partiya sədri əlavə edib ki, Qarabağın azadlığı bizim marağımızdadır və biz də öz torpaqlarımızı azad etməliyik. Kimin necə düşünməsi Azərbaycan üçün önəmli deyil.
P.İSMAYILOV

Paylaş:

Baxılıb: 586 dəfə