Sübut Əsədov: Ali Baş Komandan İlham Əliyevin xalqımıza qələbə müjdəli müraciəti bütün ölkə əhalisi tərəfindən yüksək qiymətləndirilib

Bakı:

24 °C

69 %

10 m/s

AZ RU EN

Ana səhifə / Siyasət / Sübut Əsədov: Ali Baş Komandan İlham Əliyevin xalqımıza qələbə müjdəli müraciəti bütün ölkə əhalisi tərəfindən yüksək qiymətləndirilib

Sübut Əsədov: Ali Baş Komandan İlham Əliyevin xalqımıza qələbə müjdəli müraciəti bütün ölkə əhalisi tərəfindən yüksək qiymətləndirilib

11.11.2020 [09:45]

“Azərbaycan Prezidenti, Ali Baş Komandan İlham Əliyevin xalqımıza qələbə müjdəli müraciəti bütün ölkə əhalisi tərəfindən yüksək qiymətləndirilib. Ona görə ki, əks-hücum əməliyyatları zamanı Azərbaycan Ordusunun torpaqlarımızın işğaldan azad edilməsində mühüm uğurları düşmənin təslim olmasına gətirib çıxardı. Ermənistanın məğlubiyyətini şərtləndirən isə Qarabağımızın incisi - Şuşanın işğaldan azad edilməsi oldu. Demək olar ki, Şuşanın azad edilməsi Dağlıq Qarabağın digər işğal edilmiş ərazilərinin azad olunmasına bərabər hadisədir”.
Bu fikirləri “Yeni Azərbaycan”a açıqlamasında Azərbaycan Respublikaçılar Partiyasının sədri Sübut Əsədov deyib.
Partiya sədrinin sözlərinə görə, Azərbaycan Prezidenti, Ali Baş Komandan İlham Əliyev döyüşlərin getdiyi 44 gün ərzində xalqa müraciətlərində və dünyanın nüfuzlu KİV-lərinə müsahibələrində dövlətimizin şərtlərini açıq bəyan edirdi: “Azərbaycan xalqından dəstək alan şanlı Azərbaycan Ordusu Ali Baş Komandanın rəhbərliyi ilə qısa müddətdə Füzuli, Qubadlı, Zəngilan, Cəbrayıl və Şuşa şəhərlərini, eyni zamanda 300-ə qədər yaşayış məntəqəsini işğaldan azad etdi. Ordumuzun qarşısında diz çökməyə məcbur qalan düşmən Laçın, Kəlbəcər və Ağdamın qeyd-şərtsiz boşaldılmasına razı oldu. Bu, bizim qələbəmizdir. Bu qələbə Azərbaycanın həm hərbi, həm diplomatik sahədə zəfəridir. Eyni zamanda, əldə etdiyimiz zəfər nəticəsində məcburi köçkün olan vətəndaşlarımız öz doğma yurd-yuvalarına qayıdacaq”.
S.Əsədov deyib ki, Müzəffər Ali Baş Komandan İlham Əliyevin xalqa müraciətində söylədiyi kimi, Dağlıq Qarabağda sülhməramlı qüvvələrin yerləşdirilməsi məsələsində Rusiya hərbçiləri ilə yanaşı, Türkiyə hərbçilərinin də iştirakı mühüm əhəmiyyət kəsb edir: “Bununla yanaşı, Dağlıq Qarabağ ermənilərinin Ermənistanla əlaqələrinin Laçın yolu ilə təmin edilməsinin əvəzində Azərbaycanın qərb regionları ilə Naxçıvan Muxtar Respublikası arasında nəqliyyat-kommunikasiya əlaqələrinin təmin olunması bəyanatda əks olunan mühüm məqamdır. Çünki son 30 ildə Naxçıvan əhalisi blokada şəraitində yaşayırdı və Azərbaycanın digər regionları ilə quru əlaqələrinin olmaması çoxsaylı çətinliklər yaradırdı. Hesab edirəm ki, Rusiya və Türkiyə müşahidəçiləri bu istiqamətdə də öz töhfələrini verəcəklər və Naxçıvan da Azərbaycanın əsas hissəsi ilə əlaqələrini bərpa edəcək”.
Q.ZİYƏDDİNOĞLU

Paylaş:

Baxılıb: 605 dəfə