Dağlıq Qarabağ münaqişəsi ilə bağlı Azərbaycanın əleyhinə fəaliyyət göstərən dövlətlər var

Bakı:

23 °C

58 %

5 m/s

Əlaqə

AZ RU EN

Ana səhifə / Siyasət / Dağlıq Qarabağ münaqişəsi ilə bağlı Azərbaycanın əleyhinə fəaliyyət göstərən dövlətlər var

Dağlıq Qarabağ münaqişəsi ilə bağlı Azərbaycanın əleyhinə fəaliyyət göstərən dövlətlər var

21.04.2010 [09:12]

Azərbaycan parlamentinin deputatı Qənirə Paşayeva hesab edir ki, Dağlıq Qarabağ münaqişəsi ilə bağlı Azərbaycanın əleyhinə fəaliyyət göstərən dövlətlər var. “Onların bütün məqsədləri Dağlıq Qarabağ münaqişəsi tənzimlənmədən Türkiyə ilə Ermənistan münasibətlərini qurmaqdır, sərhədləri açmaqdır”, - Trend-in məlumatına görə, millət vəkili Qənirə Paşayeva Parlamentin iclasında çıxışı zamanı bildirib. Q.Paşayevanın sözlərinə görə, həmin dövlətlər müxtəlif təzyiqlərə də əl atıblar: “Təzyiqləri nəticə vermədi, amma onların müəyyən uzantıları var, müxtəlif yerlərdə bu gün fəaliyyət göstəririlər. Türkiyənin bəzi yazarları var, onlar həm Türkiyənin, həm də Azərbaycanın əleyhinə addımlar atırlar. Azərbaycanı Türkiyədə və Türk Dünyasında gözdən salmaq kampaniyasına başlayıblar. İstəyirəm, bunu açıq şəkildə deyəm və Türkiyədəki qardaşlarımız bizim səsimizi eşitməlidir. Bu cür provakasiyalara və bu cür yanlış məlumatlarla Azərbaycanı gözdən salan imzalara inanmamalıdırlar”.
Onun fikrincə, yalandan məlumat yayırlar ki, qondarma “erməni soyqırımı” guya Azərbaycanın vecinə də deyil və bu məsələdə Türkiyəyə dəstək də vermirlər. “Halbuki bütün dünya şahid oldu ki, ABŞ-ın bir komitəsində qərar çıxan kimi, Azərbaycan parlamenti bunu müzakirə etdi, qərar qəbul etdi. Azərbaycan Prezidenti İlham Əliyev Türkiyə Prezidentinə zəng vurdu. Azərbaycan diasporu da bu istiqamətdə öz dəstəyini göstərmək istəyir. Yəni bu gün Türkiyə - Azərbaycan münasibətlərini istəməyən, soyuqlaşdırmaq istəyən bu kimi güclərə imkan verilməməlidir”, - Q.Paşayeva vurğulayıb.
Millət vəkili deyib ki, qarşıdan aprelin 24-ü gəlir, ermənilər və onların havadarları yenə dünyaya səpələnib, qondarma “erməni soyqırımı” iddiaları ilə kampaniya aparmağa başlayacaqlar. “Azərbaycan həmişə bu məsələni özünün məsələsi hesab edir, həmişə fəallığı ilə seçilir. Azərbaycanın qondarma “erməni soyqırımı” iddialarına qarşı mübarizəsi bu gün də davam edir. Mən hesab edirəm, dünyada yaşayan bütün türklər, eləcə də azərbaycanlılar həmişə qondarma “erməni soyqırımı”na qarşı mübarizə aparmalıdır. Bu, bütün türk insanının üzərinə atılan bir ləkədir, iftira və böhtandır. Mən istərdim, bizim bütün insanlarımız dünyanın hər yerində qondarma soyqırımla bağlı keçiriləcək tədbirlərə də mane olsunlar. Bunun yalan olması ilə bağlı məlumatları beynəlxalq ictimaiyyətə də çatdırsınlar”, - deyə deputat xatırladıb.

Paylaş:

Baxılıb: 1166 dəfə